<Зәбур 99

[1] Хӧдан ә п'адша! Бьра мьләт бьләрьзьн! Әw ль сәр херуба р'удьни, бьра ә'рд бьһ'әжә.

[2] Хӧдан мәзьн ә Сийонеда, Әw ль сәр һ'әму мьләтар'а йә.

[3] Бьра пәсьне наве Тәйи мәзьн у хоф бьдьн. Әw пироз ә!

[4] Qәwата п'адше һәqи һ'ьзкьрьн ә. Тә р'асти т'әстиq кьр, һәqи у р'асти нава Аqубда кьр.

[5] Хӧдан Хwәдейе мә бьльнд кьн у ль бәр ньгед Wи та бьн. Әw пироз ә!

[6] Муса у Һарун нава к'аһинед Wида бун, Самуел жи нава газийа наве Wида, гази Хӧдан кьрьн у Әwи дәнге wан бьһист.

[7] Әwи жь нава стуна ә'wрида wанр'а хәбәр дьда, wана т'әмийед Wи хwәй дькьрьн, әw qанунед кӧ дабу wан.

[8] Хӧдано, Хwәде мә! Тә дәнге wан бьһист, Тӧ бона wан Хwәдейе бахшандьне буйи, ле бәле wәкә ә'мәлед wан жи дани сәре wан.

[9] Хӧдан Хwәдейе мә бьльнд кьн ль сәр ч'ийайе Wийи пироз бьһ'әбиньн, чьмки Хӧдан, Хwәдейе мә пироз ә.