<Зәбур 47

[1] Дәстед хwә ль һәв хьн һ'әму мьләтно, бь дәнге шабуне бәрбь Хwәде бькьн qар'ин.

[2] Чьмки Хӧдан, Йе Һәри Жорьн, саw ә, П'адше Мәзьн ә ль сәр т'әмамийа ә'рде.

[3] Әw мьләта бәр мә та дькә, щьмә'та дькә бьн п'ийед мә.

[4] Әwи мьлк'е мә мәр'а бьжарт, мәзьнайийа Аqуб, һ'ьзкьрийе Хwә. (Сәла)

[5] Хwәде Хwә да һелана жорьн qар'инийа шабунер'а, Хӧдан р'абу сәр т'әхте Хwә бь дәнге бор'ийер'а.

[6] Бьстьрен Хwәдер'а, бьстьрен, бьстьрен П'адше мәр'а, бьстьрен.

[7] Хwәде П'адше т'әмамийа ә'рде йә, бь зәбура бьстьрен һун жер'а.

[8] Хwәде п'адшатийе һ'әму мьләта дькә, Хwәде р'удьни сәр к'ӧрсийа Хwәйә пироз.

[9] Ә'сьлзадед мьләта щьвийан т'әви мьләте Хwәдейе Ибраһим. Чьмки мәрт'алед дьнйайе йед Хwәде нә, Әw сәр wанр'а йә.