<Зәбур 52

[1] Чьма пе хьрабийе тӧ дьфьр'и, һәй мерхасо? Амьнийа Хwәде әw һәр т'ьм һәйә.

[2] Зьмане тә хьрабийе дәртинә, мина дузане туж һ'ьләк'арийе дькә.

[3] Тӧ хьрабийе һе гәләки һ'ьз дьки, нә кӧ qәнщийе, һе гәләки дәрәwийе, нә кӧ р'аст хәбәрдане. (Сәла)

[4] Тӧ һ'ьз дьки һәр хәбәред зийанк'ар, һәй зьмане һар у мә'р.

[5] Хwәде wе бәла тә бьде һ'әта-һ'әтайе, wе тә бьгьрә, тә жь wаргәһ дәрхә, к'ока тә жи жь wи ә'рде жийине. (Сәла)

[6] Р'асте бьбиньн у хоф кьн, сәр бьк'әньн у бежьн:

[7] «Ва йә әw мәрьве кӧ хwә нәспартә Хwәде, ле гӧмана хwә да сәр һәбука п'ьр'ә бекер у бь нәһәqийед хwә qәwат һе гьрт».

[8] Ле әз Хана Хwәдеда мина дара зәйт'унейә шин ьм, һәр т'ьм һ'ӧб у амьнийа Хwәдеда әз гӧман ьм.

[9] Әзе т'ьме бьдьм пәсьне Тә, бона хатьре wе кьрьна Тә, бәр амьнед Тә бькьм дәнги наве Тә, чьмки әw нав qәнщ ә у хwәш ә.