Зәбур 6

Listen to this chapter • 1:13

[1] Хӧдано! Бь к'әла Хwә мьн һьлнәйе бь һерса Хwә, ль мьн нәкә Тӧ ширәте.

[2] Хӧдано! Мьнр'а бькә Тӧ р'ә'ме чьмки к'әтьмә бет'аqәтийе. Хӧдано, Тӧ мьн бькә һ'әкимтийе, чьмки һәстуйада к'әтьмә р'ьщафе.

[3] Әз бь хwә жи дьр'ьщьфьм у Те Хӧдано... һ'әта к'әнге?

[4] Вәгәр'ә Хӧдан! Тӧ нәфса мьн хьлаз кә, ль гора хатьре wе һ'ӧба Хwә, мьн азад кә.

[5] Чьмки т'ьрбеда к'и wе Тә бир бинә? Дийаре мьрийада к'е шькьрийе бьдә Тә?

[6] Жь нә'линийе әз wастийа мә, һәр шәв дьшом дошәка хwә, бь һесьра шьл дькьм ньвина хwә.

[7] Ч'ә'ве мьн жь к'әдәре һатьн дәрен, р'уйе һ'әму дьжмьнада әw р'ьжийан.

[8] Жь мьн дур к'әвьн, һ'әмуйед нәһәqийе дькьн , чьмки Хӧдан бьһист дәнге гьрийе мьн.

[9] Хӧдан бьһист лавайе мьн, Хӧдане qәбул кә дӧайе мьн.

[10] Һ'әму дьжмьнед мьн wе шәрми бьн, бьр'ьщьфьн, wе вәгәр'ьн у ньшкева шәрмәзар бьн.

Зәбур — Chapters