<Зәбур 146

[1] Һалелуйа! Нәфса мьн пәсьне Хӧдан бьдә.

[2] Пәсьне Хӧдан әзе бьдьм, һ'әта кӧ дьжим, әшqи Хwәде хwә әзе бьстьрем, һ'әта кӧ һәмә.

[3] Гӧмана хwә нәдьнә ль сәр мира, ль сәр бәнде кӧ нькарә хьлаз кә.

[4] Р'ӧһ'е wи гава жь wи дәрте, дьчә дьбә диса хwәли, әwе р'оже шеwьред wи дьт'әр'ьбьн.

[5] Хwәзи ль wи, кӧ пьштоване wи Хwәдейе Аqуб ә, гӧмана wи ль сәр Хӧдан, Хwәде wи йә.

[6] Әwи хӧльqанд ә'рд у ә'зман, бә'р у һ'әмуйед нава wанда, амьнийа хwә һ'әта-һ'әтайе хwәй дькә .

[7] Һесир-бәләнгазар'а һәqийе дькә, йед бьр'чи жи нан-ав дькә. Хӧдан гьртийа азад дькә,

[8] Хӧдан ч'ә'ве кора вәдькә, Хӧдан к'әтийа р'адькә, Хӧдан р'аста һ'ьз дькә.

[9] Хӧдан хәриба хwәй дькә, алик'арийа сеwи у жьнәбийа дькә, ле р'ийа нәп'ака ч'әп дькә.

[10] Хӧдане п'адшатийе бькә һ'әта-һ'әтайе, Хwәдейе тә, һәй Сийон, qӧр'нә-qӧр'нә wе бькә. Һалелуйа!