Зәбур 98

Listen to this chapter • 1:10

[1] Стьранәкә ну бьстьрен әшqи Хӧдан, бона кӧ Wи к'әрәмәт кьрьн. Дәсте Wийи р'асте у зәнда пироз азади Wир'а дәст анин.

[2] Хӧдан сәрк'әтьна Хwә да к'ьфшкьрьне, ль бәр ч'ә'ве мьләта р'астийа Хwә да ә'йанкьрьне.

[3] Һ'ӧб у амьнийа Хwәйә бона мала Исраел хwәй кьр. Һәр qӧлбед дьнйайе дитьн сәрк'әтьна Хwәдейе мә.

[4] Т'әмамийа дьнйайе, әшqи Хӧдан бькьн qар'ин, әшq бьн, шабьн у бьстьрен.

[5] Пе чәнге зис әшqи Хӧдан һун бьстьрен, пе чәнге зис у бь дәнге мьqаме.

[6] Ль бәр Хӧдан П'адша, бор'и у стру ледьн әшq у ша бьн.

[7] Бьра бә'р бькә хӧшин т'ер у т'ьжийа хwәва, дьнйа у һ'әмуйед нав wеда.

[8] Бьра бәр Хӧдан ч'әм дәстед хwә һәв хьн, ч'ийа-бани һәвр'а Хӧданр'а гӧл у гәш бьн,

[9] Чьмки Әw те диwана дьнйайе бькә, Әwе диwана дьне бь һәqийе бькә, йа щьмә'та жи бь р'астийе.

Зәбур — Chapters