<Зәбур 53

[1] Беаре-бефә'м дьле хwәда дьбежә: «Хwәде т'ӧнә». Әw шуна р'әшва дьчьн у нәһәqийе дькьн, кәсәк т'ӧнә кӧ qәнщийе бькә.

[2] Хwәде жорда ль мәрьвайе дьньһер'ә, кӧ бьбинә гәло сәрwахтәк һәйә, кӧ әw ль Хwәде дьгәр'ә.

[3] Әw һ'әму жи хальфинә, т'әвайийа хwәва ләwьт'инә. Йәки qәнщийе бькә т'ӧнә, т'ӧ кәс т'ӧнә!

[4] Гәло әwед нәһәqийе дькьн фә'м накьн, дьхwьн ча нан щьмә'та Мьн, Хwәде жи наһ'әбиньн?

[5] Һьнге хоф у тьрсе wан бьгьрә, wе дәра кӧ тьрс т'ӧнә, һәстуйед һ'ьщумкьред тә Хwәде wе бәла-бәлайи кә. Әw һатьнә сосрәткьрьн, чьмки Хwәде әw wеда авитьн.

[6] Хwәзи азадкьрьна Исраеле жь Сийоне бьһата! Гава Хwәде чәрха щьмә'та Хwә диса р'аст кә, һьнге Аqубе әшq бә, Исраеле жи ша бә.