<Зәбур 67

[1] Хwәде ль мә wәрә р'ә'ме у Тӧ дӧа ль мә бькә, бь диндара Хwә мә р'онайи кә, (Сәла)

[2] wәки р'ийа Тә дьнйайеда бе наскьрьне у хьлазкьрьна Тә нава һ'әму мьләтада.

[3] Бьра мьләт пәсьне Тә бьдьн, Йа Хwәде! Бьра һ'әму мьләт пәсьне Тә бьдьн.

[4] Бьра щьмә'т әшq у ша бьн, чьмки бь р'астийе Тӧ сәр мьләта һ'акьмтийе дьки у ль сәр ә'рде Тӧ р'ебәрийа щьмә'та дьки. (Сәла)

[5] Бьра мьләт пәсьне Тә бьдьн, Хwәдейо, бьра һ'әму мьләт пәсьне Тә бьдьн!

[6] Бьра ә'рд бәре хwә бьдә. Хwәде дӧа ль мә бькә, Хwәдейе мә.

[7] Бьра Хwәде дӧа ль мә бькә у һәр чар qӧлбед дьне жь Wи хоф кьн.