<Зәбур 65

[1] Хwәдейо, Сийонеда Тӧ һежайи пәсьна йи, әме ад-qьраред Тәр'а дайи биньн сери.

[2] Тӧ кӧ дӧа дьбьһейи, һәр мәрьве бәрбь Тә бе.

[3] Кьред беолитийе ль сәр мә гьран бунә, к'әwа нәһәqийед мә Тӧ дьдейи.

[4] Хwәзи ль wи кӧ Тӧ дьбьжери у незики Хwә дьки, кӧ әw һ'әwшед Тәда бьминә. Әме жь хер-бәрәк'әта Мала Тә, жь П'арьстгәһа Тәйә пироз т'ер бьн.

[5] Тӧ бь кьред саw мә азад дьки, Хwәдейе азадийа мә, щаба мә дьди, гӧмана йед һ'әму qӧлба у wәлатед wи бәри бә'ра.

[6] Бь qәwата Хwә ч'ийа-бани ава кьрьнә у qӧдрәтева wәргьрти йә.

[7] Тӧ дәнге бә'ра, хӧшинийа пела у qалмә-qалма мьләта дьсәqьр'ини!

[8] Йед сәред дьнйайе кӧ дьминьн жь нишанед Тә хоф дькьн, р'оһьлат у р'оавайе Тӧ ша дьки.

[9] Ч'ә'ве Тә сәр ә'рде йә, Тӧ wе ав дьди, дәwләмәнд дьки. Ч'әме Хwәде левар'а йә. Тӧ гәньм мерьвр'а һазьр дьки, чьмки Тә аһа qьрар кьрийә.

[10] Тӧ щергед wе ав дьди, ч'ә'л-ч'улед wе р'аст дьки, Тӧ пе барана wе нәрм дьки у дӧа шинайа wе дьки.

[11] Тӧ хер-бәрәк'әта хwәва сале дьхәмьлини, п'егәһед Хwәва хер у хьзне дьбарини.

[12] Дәштед бәр'ие к'ьм-к'ьми нә у чийа-бани шабунева хьм-хьми нә.

[13] Мерг у чиман әw кәрийава wәргьрти нә, дәшт у нәwал әw геньмва ньхамти нә, бь әшq у ша бь стьрани дәнг һьлинә.