Зәбур 2
[1] Чьма п'утп'арьст дьqьлqьльн у мьләт бадиһәwа т'ьвдире дькьн?
[2] П'адшед дьнйайе һәвр'а р'адьбьн, сәрwер т'әвиһәв дьшеwьрьн, давежьнә Хӧдан у К'ьфшкьрийе Wи, дьбежьн:
[3] «Qәйд-зьнщиред wан әм бьшкеньн у хwә жь дәстед wан хьлаз кьн».
[4] Йе сәр к'ӧрсийа ә'змен wан дьк'әнә у Хӧдан wан дькә к'ән у qәрфанә.
[5] Һьнге бь һерс ль wан дькә хәбәрданә к'ин-бохийе wан дькә нава саwанә:
[6] «Мьн П'адше Хwә т'әстиq кьрийә, ль wи ч'ийайе Хwәйи пироз, кӧ Сийон ә».
[7] П'адше гот: «Әзе бькьм qьрарә, Хӧдан вәкьр Мьнр'а бьрйарә: ‹Тӧ Кӧр'е Мьн и, иро Мьнр'а Тӧ буйи .
[8] Дә бькә Тӧ жь Мьн бьхwазә, мьләта Әз Тәр'а бькьм wарә, һәр чар qӧлбә Тәр'а мал у мьк'ан ә.
[9] Пе шьва һ'әсьни Те wан бьһ'ьнщьр'ини у мина щер' wан һурдәхwәши ки›» .
[10] Дә ньһа фә'м бькьн, гәли п'адша, сәрwеред ә'рде wәрьнә сәр һ'ьша!
[11] Бь хоф хӧламтийе Хӧданр'а бькьн, жь дәст саwа Wи бьләрьзьн,
[12] Кӧр' р'амусьн кӧ һерс нәк'әвә, кӧ р'еда жь wә кәс ӧнда нәбә, гава һерса Wи ньшкева р'абә. Хwәзи ль һ'әмуйед хwә дьсперьнә Wи .