<Зәбур 14

[1] Беаре-б дьле хwәда дьбежә: «Хwәде т'ӧнә». Шуна р'әшва дьчә, һ'әрамийе дькә, кәсәк т'ӧнә кӧ qәнщийе бькә.

[2] Хӧдан жорда сәр мерьвда дьньһер'ә кӧ бьбинә, гәло wе һәбә йәки сәрwахт, кӧ ль Хwәде дьгәр'ә.

[3] Һ'әму жь р'ийа хwә дәрк'әти нә у т'әвайи пева ләwьт'и нә, йәки qәнщийе бькә т'ӧнә, т'ӧ кәс т'ӧнә!

[4] Гәло йед нәһәqийе дькьн фә'м накьн, кӧ щьмә'та Мьн мина нан дьхwьн у әw гази Хӧдан жи накьн?

[5] Ль wьр хоф у тьрсе ль wан бьгьрә, чьмки Хwәде нава к'ома р'астада йә.

[6] Һун дькьн т'ьвдирада фәqира бьдьнә шәрме, ле бәле Хӧдан сьт'аргәһа wан ә.

[7] Хwәзи азадийа Исраеле жь Сийоне бьһата! Гава Хӧдан чәрха щьмә'та Хwә диса р'аст кьра, һьнге Аqубе әшq бә, Исраеле жи ша бә.