<Зәбур 61

[1] Хwәдейо, заринийа мьн бьбьһе, гӧһ бьдә дӧайе мьн!

[2] Әз жь сәре дьне гази Тә дькьм гава дьле мьн сьст дьбә. Бәре мьн бьдә wи qәйайи, к'ижани кӧ нькарьм бьгьһижьме.

[3] Чьмки Тӧ сьт'аргәһа мьн и, кәлакә зор жь бәр дьжмьн.

[4] Дә бьра әз бьжим Коне Тәда һ'әта-һ'әтайе, бьне сийа п'әр'е Тәда бьһеwьрьм. (Сәла)

[5] Тӧ, Хwәдейо, ад-qьраред мьн Тә бьһистьн у wар да wан, йед кӧ жь наве Тә дьтьрсьн.

[6] Р'ожа зедә кә сәр р'ожед п'адше, салед wи дьреж кә сәр гәләк ньсьла.

[7] Бьра әw һ'әта-һ'әтайе бәр Хwәде сәр т'әхт бә, т'әмийе бьдә р'ә'м у р'астийе кӧ wи хwәй кьн.

[8] Аwа әзе һ'әта-һ'әтайе бьстьрем әшqи наве Тә у һәр р'ож ад-qьраред хwә биньмә сери.