<Зәбур 77

[1] Дәнге мьн бәрбь Хwәде йә, әз дькьм гази, дәнге мьн бәрбь Хwәде йә, wәки Әw дәнге мьн бьбьһе.

[2] Охьрмед гьранда әз ль Хӧдан дьгәр'ьм. Дәсте мьн бәрбьр'икьри йә у сьст набә, нәфса мьн нахwазә барьстан бә.

[3] Хӧдан бир тиньм ахин дькьм, дьфькьрьм р'ӧһ'е хwәда дькьм нә'лин. (Сәла)

[4] Тә нәһьшт ч'ә'ве мьн бенә сәр һәв, дьле мьн кӧл ә нькарьм хәбәр дьм.

[5] Р'ожед бьһӧри әз бир тиньм у wан салед wи зәмани.

[6] Шәве бир тиньм стьрана хwә, дьле хwәр'а хәбәр дьдьм у к'ур у дур дьфькьрьм.

[7] Гәло Хӧдан иди пьшт дайә? Әwе иди хwәшийе нәкә?

[8] Гәло һ'ӧба Wи лап һатийә һьлдан? Созе Wи кем буйә qӧр'нә-qӧр'нә?

[9] Гәло Хwәде бир кьр дьловани? Гәло бь һерсе р'ә'ма Хwә да бьр'ине? (Сәла)

[10] Ле бәле дьбежьм: «Әва кӧла мьн ә, Йе Һәри Жорьн пьшт мьнда кьрийә».

[11] Кьред Хӧдан әзе бир биньм, бәле к'әрәмәтед Тәйә бәре бир накьм.

[12] Әзе һ'әму кьред Тәда к'ур бьбьм у ль сәр к'аред Тә бьфькьрьм.

[13] Хwәдейо, р'ийа Тә пироз ә! Мина Хwәде, хwәдейе мәзьн к'и йә?

[14] Тӧ йи Хwәдейе кӧ к'әрәмәта дьки, qәwата Хwә нава мьләтада Тә да к'ьфше.

[15] Тә щьмә'та Хwә хьлаз кьр, пе зәнда Хwә зар'ед Аqуб у Усьв. (Сәла)

[16] Ава Тӧ дитьн, Хwәдейо, ава Тӧ дитьн, ләрьзин у р'ьщафе бебьнийа гьрт.

[17] Ә'wра ав р'ьжандьн, ә'змана жи дәнг дәрхьстьн у тиред Тә дәрбаз бун чун.

[18] Дәнге qьр'ч'инийе нав бобәлиске, бьрqвәдана Тә кьр дьнйа р'они, ә'рде кьрә хьрмин у ләрьзи.

[19] Р'ийа Тә бә'реда бу, шьвәр'ийед Тә авед мәзьнда, ле п'егәһа Тә нәһатә к'ьфше.

[20] Мина кәре пез р'ебәрийа щьмә'та Хwә кьр, бь дәсте Муса у Һарун.