<Зәбур 129

[1] «Жь щаһьлтийа мьнда, гәләк тәнгаси данә мьн», дә бьра Исраел ньһа бежә:

[2] «Жь щаһьлтийа мьнда, гәләк тәнгаси данә мьн, ле зора мьн нәбьрьнә.

[3] Щотк'ара сәр пьшта мьн щот дькьрьн у хәтед хwә дьреж дькьрьн.

[4] Хӧдан ль сәр р'астийе йә, Әwи капед нәп'ака qәтандьн».

[5] Һ'әмуйед кӧ дьжәньнә Сийоне, wе шәрми бьн пашда бьр'әвьн.

[6] Бьра әw бьбьнә мина гиһайе сәр хени, кӧ һе нәгьһишти һ'ьшк дьбә,

[7] әw нә дәсте йе дьдьру т'ьжи дькә, нә жи бәр мьла йе гӧр'з дькә дадьгьрә.

[8] У йе кӧ дәрбаз дьбьн wе нәбежьн: «Бьра дӧайе Хӧдан сәр wә бә у әм бь наве Хӧдан дӧа ль wә дькьн».