Зәбур 41
[1] Хwәзи ль wи кӧ хәм дькә бона йе к'әсиб, р'ожед тәнгасийеда Хӧдане wи хьлаз кә.
[2] Хӧдане wи хwәй кә у ә'мьр бьде, әwе ль сәр дьне хwәзьли бә у wе нәдә дәсте хwәстьна нәйар.
[3] Хӧдане нәхwәшийеда щи-ньвина wи бе р'ә'ме, жь һ'әму нәхwәшийа qәнщ кә у жь ньвине р'акә.
[4] Мьн гот: «Йа Хӧдан, мьн wәрә р'ә'ме, нәфса мьн qәнщ кә, чьмки мьн бәр Тә гӧнә кьр».
[5] Нәйар хәйба мьн дькьн у дьбежьн: «К'әнге әwе бьмьрә у наве wи ӧнда бә».
[6] Йәк жи кӧ те мьн бьбинә, тьште һ'ал-qал дьбежә, дьле wи дәнг-бә'сед хьраб т'оп дькә, кӧ дәре дәрва гьли кә.
[7] Һ'әму пәйк'әтийед мьн, бона мьн һәвр'а дькьнә п'ьстә-п'ьст, бона мьн тьште хьраб дьфькьрьн,
[8] дьбежьн: «Хәзәбе әва гьртийә, әw к'әтийә иди р'анабә».
[9] Һ'әта пешәwьтийе мьн жи, к'ижанида әз сәрфьнйаз бум, нане мьн дьхwар, п'ә'йн авитә мьн .
[10] Ле бәле, йа Хӧдан, Тӧ мьн wәрә р'ә'ме у мьн бьдә сәкьнандьне кӧ әзе wан вәгәр'иньм.
[11] Әзе бь ве йәке заньбьм кӧ Тӧ мьн бәгәм дьки, гава дәнге сәрк'әтьна дьжмьн нәйе бьһистьн.
[12] Ле Те мьн нава бесущийа мьнда хwәйи ки у һ'әта-һ'әтайе мьн бәр Хwә бьди сәкьнандьне.
[13] Шькьр Хӧдан Хwәдейе Исраелр'а, жь һәр-һәйе һ'әта һ'әта-һ'әтайе. Амин у амин.