<Зәбур 80

[1] Шьване Исраеле, гӧһ бьдә, Тӧ мина кәре пез р'ебәрийа Усьв дьки! Йе сәр херуба р'уньшти, Тӧ гӧл дьди,

[2] бона Әфрайим, Бәнйамин у Мьнашә. Qәwата Хwә Тӧ к'ьфш кә, Хwә мәр'а бьгьһинә мә хьлаз кә.

[3] Хwәдейо, чәрха мә диса р'аст кә, сьфәте Хwә гӧл дә, әме бьжин.

[4] Хӧдан Хwәдейе Ордийа, һ'әта к'әнге Те һерс к'әви ль сәр дӧайе щьмә'та Хwә?

[5] Нане һесьра ль wан дьди хwарьне, бе чап һесьра wан дьди вәхwарьне.

[6] Тә әм кьрьнә бәнуште дәве щинара у пек'әнийед нава нәйара.

[7] Хwәдейе Ордийа! Чәрха мә р'аст кә, сьфәте Хwә гӧл дә, әме бьжин.

[8] К'оләкә тьрийе Тә жь Мьсьре щигӧһасти кьр, мьләт р'акьрьн, әw к'ол дач'ьканд.

[9] Тә бона wе щи һазьр кьр, р'аwе wе шьданд, әwе ә'рд т'ьжи кьр.

[10] Ч'ийа пе сийа wе һатьнә ньхамтьне, ч'ьqьлед wе даред әрзейә бьльнд жи.

[11] Ч'ьqьлед wе дьреж кьр һ'әта бә'ре у шивед wе һ'әта ч'әме Фьрате.

[12] Тә чьма хьраб кьр сура wе, кӧ һәр р'еwи дьчьнә тьрийе wе,

[13] бәразед дарьстен хьраб дькьн, һ'әйwанед чоле wан дьхwьн.

[14] Хwәдейе Ордийа, ль мә вәгәр'ә! Дина Хwә бьде у бьбинә, ве к'ола тьрийе Тӧ хwәй кә,

[15] Тә бь дәсте Хwәйи р'асте дач'ьканд шиве кӧ Тә бона Хwә qәwин-qәдим кьр.

[16] Агьр пек'әтийә һатийә бьр'ине, жь дәст wе һьлатьна Тә ӧнда дьбә.

[17] Бьра дәсте Тә сәр мере мьле Тәйи р'асте бә, сәр wи мәрьве кӧ Тә бона Хwә qәwат кьр.

[18] Әме иди жь Тә дур нәк'әвьн, мә сах кә у әме гази наве Тә кьн.

[19] Хӧдан, Хwәдейе Ордийа! Чәрха мә диса р'аст кә, сьфәте Хwә гӧл дә, әме бьжин!