<Зәбур 85

[1] Йа Хӧдан, Тә wәлате Хwә зува бәгәм кьрьбу, Аqуб жь сьргунийе вәгәр'андьбу.

[2] Нәһәqийа мьләте Хwә бахшандьбу у һ'әму гӧнәйед wан афу кьрьбу. (Сәла)

[3] Тә һ'әму хәзәба Хwә дабу һьлдане, жь һерса Хwәйә зор пашда сәкьнибуйи.

[4] Дә ньһа диса чәрха мә р'аст кә, Хwәдейе азадийа мә, жь wе һерса Хwәйә сәр мә, пашда бьсәкьнә.

[5] Гәло Те һ'әта-һ'әтайе һерса Хwә ль мә р'аки у Те к'ине qӧр'нә-qӧр'нә мәр'а бажойи?

[6] Гәло Те диса жийана ну нәди мә, кӧ щьмә'та Тә пе Тә ша бә?

[7] Тӧ һ'ӧба амьн нишани мә кә, Хӧдано, азадийа Хwә бьдә мә.

[8] Һәла әз бьбьһем Хӧдан Хwәде чь дьбежә. Әwе хер-хwәшийе бежә щьмә'т у амьнед Хwә, ле бьра иди нәк'әвьнә нава беаqьлийе.

[9] Р'аст азадийа Wи незики wан ә к'ижан кӧ жь Wи дьтьрсьн, кӧ ә'рд р'умәта Wива т'ьжи бә.

[10] Һ'ӧб у амьнийе р'асти һәв бен, р'асти у ә'дьлайийе ль һәв р'амусьн.

[11] Амьнийе жь ә'рде жер дәрк'әвә у р'астийе жь ә'змен жорда бьньһер'ә.

[12] Хӧдане qәнщийе бькә у ә'рде мәйе дәрәмәта хwә бьдә.

[13] Р'асти wе һәр'ә пешийа Wи у р'е р'аст кә бона Wи.