<Зәбур 75

[1] Әм шькьрийе дьдьнә Тә, Хwәдейо, шькьрийе дьдьнә наве Тәйи мәзьн, к'әрәмәтед Тә дькьнә дәнги .

[2] Тә гот: «Гава бе wә'дә Әзе бь р'астийе диwане бькьм.

[3] Һәгәр ә'рд бьнәлийава бьһ'әжә, Әзе стунед wи qәwин-qәдим кьм. (Сәла)

[4] Әз дьбежьмә к'ӧбара: ‹К'ӧбар нәбьн› у нәп'ака: ‹Струйа дәрнәхьн,

[5] струйе хwә бәр бь жор бьльнд нәкьн, qӧр'бә-qӧр'бә хәбәр нәдьн›».

[6] Чьмки бьльндбун нә жь р'оһьлате йә, нә жь р'оавайе йә, нә жи жь башуре йә.

[7] Ле бәле һ'акьм Хwәде йә, һьнәка ньмьз дькә, һьнәка бьльнд дькә.

[8] К'ас дәсте Хӧданда йә, шәрава һерсе wеда т'әвдайи дьк'әлә у же дьр'ьжә. Һ'әму нәп'акед сәр ә'рде wе ньхалева вәхwьн.

[9] Ле әзе һәр т'ьм бькьм дәнги, бьстьрем әшqи Хwәдейе Аqуб.

[10] Һ'әму струйед нәп'ака әзе һурдәхwәши кьм, струйед р'аста wе бьльнд бьн.