<Зәбур 46

[1] Хwәде сьт'аргәһ у qәwата мә йә, к'омәкдаре мәйи тәнгасийада һәри незик ә.

[2] Ләма жи әм натьрсьн, һәгәр ә'рд жи сәробьниһәв бә, ч'ийа бьк'әвьнә к'урайа бә'ре,

[3] авед wе фур дьн, әw бькьн хӧшин, ч'ийа бьләрьзьн жь дәст пелед wан. (Сәла)

[4] Ч'әмәк һәйә кӧ авед wе бажаре Хwәде ша дькьн, wе Мала пирозә Йе Һәри Жорьн.

[5] Хwәде wи бажарида йә, әw наһ'әжә, Хwәдейе бәрбанга к'урда али wи бькә.

[6] Мьләт дькьнә qалмә-qалм, һ'әж дьк'әвә п'адшатийа, Йе Жорьн дькә дәнги у ә'рд дьһ'әлә.

[7] Хӧдане Ордийа т'әви мә йә, Хwәдейе Аqуб кәла мә йә. (Сәла)

[8] Wәрьн бьбиньн кьред Хӧдан, чь к'әрәмәт кьр р'уйе ә'рде.

[9] Шәр'а дьдә сәкьнандьне, һәр чар qӧлбед дьнйайе, тир-кәвана дьшкенә, р'ьма һур-һури дькә у мәрт'ала бь егьр дьшәwьтинә.

[10] Кәр' бьн у бьзаньбьн, Әз ьм Хwәде, Әзе нав мьләтада бьльнд бьм у ль р'уйе ә'рде бьльнд бьм.

[11] Хӧдане Ордийа т'әви мә йә, Хwәдейе Аqуб кәла мә йә. (Сәла)