<Зәбур 96

[1] Стьранәкә ну бьстьрен әшqи Хӧдан, бьстьрен әшqи Хӧдан т'әмамийа ә'рде!

[2] Әшqи Хӧдан бьстьрен, пәсьне наве Wи бьдьн, р'ож бь р'ож хьлазкьрьна Wи данасин кьн.

[3] Нава п'утп'арьстада р'умәта Wи бькьн дәнги, нава һ'әму мьләтада к'әрәмәтед Wи.

[4] Хӧдан мәзьн ә, һежайи гәләк пәсьна йә, саwа Wи ль сәр һ'әму хwәдейа йә.

[5] Хwәдейед һ'әму мьләта п'ут ьн, ле Хӧдан ә'зман чекьрьн.

[6] Р'умәт у һӧрмәт ль пешийа Wи нә, qәwат у һ'ӧжмәк'ари пирозгәһа Wида нә.

[7] Бьдьнә Хӧдан, гәли бәрәкед мьләта, бьдьнә Хӧдан р'умәт у qӧдрәт.

[8] Шькьрийе бьдьнә р'умәта наве Хӧдан, п'ешк'еша биньн у бьк'әвьнә һеwангәһед Wи.

[9] Бәр Хӧдан та бьн бь хәмьла пироз, жь диндара Wи бьтьрсьн, т'әмамийа ә'рде!

[10] Бежьнә Мьләта: «Хӧдан ә П'адша! Ләма дьнйа qәwин-qәдим ә у наһ'әжә. Диwана мьләта Әwе бь р'астийе бькә».

[11] Бьра ә'рд ша бә у ә'зман әшq бә, бә'р бькә хӧшин, бь т'ер у т'ьжийа хwәва.

[12] Бьра әшq бьн дәшт у һәр тьштед навда нә, бьра ша бьн ль бәр Хӧдан, һ'әму даред дарьстен.

[13] Чьмки Әw те, Әw те кӧ диwана ә'рде бькә. Әwе бь һәqийе диwана дьне бькә у мьләта бь р'астийа Хwә.