<Зәбур 92

[1] Qәнщ ә шькьрийе бьдьнә Хӧдан у әшqи наве Тә бьстьрен, Йе Һәри Жорьн,

[2] кӧ сәре сьбәһе һ'ӧба Тә гьли кьн у еваре жи амьнийа Тә,

[3] бь сазе дәһә т'ели у бь мьqаме чәнге зис.

[4] Чьмки Тә, Хӧдан, әз ша кьрьм бь кьрьнед Хwә, кьрьнед дәсте Тәр'а әз гӧл дьдьм.

[5] Чаwа мәзьн ьн, Хӧдано, кьред Тә! Гәләки к'ур ьн шеwьред Тә!

[6] Мәрьве бефә'м ве ньзанә у йе ахмах фә'м накә,

[7] һәгәр нәп'ак мина шинайе бьгьһижьн, һ'әмуйед нәһәqийе дькьн, гӧл дьн, йәк ә әwе һ'әта-һ'әтайе гәвәр бьн.

[8] Ле бәле Тӧ Хӧдано, т'ьме бьльнд и!

[9] Чьмки ва нәйаред Тә, Хӧдано, ва нәйаред Тәйе гәвәр бьн, һ'әмуйед нәһәqийе дькьн бәла бьн.

[10] Ле Тә струйе мьн, мина струйе гайе бәйани бьльнд кьр у әз пе р'уне ну р'ун кьрьм.

[11] Ч'ә'ве мьн к'әтьна нәйаред мьн дитьн, гӧһе мьн дәрһәqа wан хьрабада бьһистьн, к'ижана кӧ һ'ьщуми ль сәр мьн кьрьн.

[12] Р'асте мина дара хӧрме гӧл дә, мина әрза Лӧбнане бьльнд бә,

[13] әw Хана Хӧданда дач'ьканди нә, һ'әwшед Хwәдейе мәда гӧл данә.

[14] Һ'әта мәзьнайийа хwәда жи wе бәр бьдьн, тәр' у шин wе бьминьн,

[15] wәки сальх кьн, кӧ Хӧдан р'аст ә, Әw qәйайе мьн ә, нәһәqи Wида т'ӧнә.