<Зәбур 126

[1] Гава Хӧдан әм һесир вәгәр'андьнә Сийоне , әw мәр'а бу мина хәwнәке.

[2] Һьнге к'ән ль бәр дәве мә к'әт у зьмане мә жи р'әqьсин. Нава мьләтада һьнге һатә готьн: «Хӧдан бона wан тьштед мәзьн кьрьн!»

[3] Хӧдан бона мә тьштед мәзьн кьрьн у әм гәләки әшq у ша бун.

[4] Хӧдано, мә диса бәхтәwар кә, мина селафед Нәгәве .

[5] Йед кӧ пе һесьра дьр'әшиньн, пе әшq у шабуне wе бьдьрун.

[6] Йед пе гьри турьке т'охьм дьр'әшиньн, wе бь стьрана әшq гӧр'зед хwә биньн.