<Зәбур 95

[1] Wәрьн әм әшq у ша Хӧданр'а бьстьрен, газийа хwә бькьнә Qәйайе азадийа хwә!

[2] Бь шькьрдарийе әм бенә ль бәр диндара Wи, бь дәнге бьльнд бьстьрен әшqи Wи.

[3] Чьмки Хӧдан, Хwәдейе мәзьн ә у П'адше мәзьн, ль сәр һ'әму хwәдейа.

[4] К'урайед ә'рде дәстед Wида нә, бьльндайед ч'ийа, йед Wи нә.

[5] Бә'р, йа Wи йә, Wи әw чекьр у дәсте Wи бәж аwаз кьрийә.

[6] Wәрьн әм та бьн, дәвәр'уйа һәр'ьн, бәр Хӧдан Ә'фьрандаре хwә чок дьн.

[7] Чьмки Әw ә Хwәдейе мә, әм жи щьмә'та мерга Wи нә у пәзед бәр Wи нә. Хwәзи wә иро дәнге Wи бьбьһиста!

[8] у сәрһ'ьшки нәкьра, чаwа Мерибаһеда, р'ожа Массаһа бәр'ийеда ,

[9] дәра кӧ кал-бавед wә кьред Мьн дитьн, ле диса Әз щер'ьбандьм у ә'нәнә кьрьм.

[10] Чьл сали һ'иле Мьн жь wи ньсьли чу, мьн гот: «Әва щьмә'та дьлда хальфи нә у р'ийа Мьн нас нәкьрьнә.

[11] Ләма жи Мьн жь һерса сонд хwар у гот : ‹Т'ӧ щар әwе нәк'әвьнә р'ьһ'әтийа Мьн!› ».