<Зәбур 111

[1] Һалелуйа! Әзе бь дьл шькьрийе бьдьмә Хӧдан, нава щьвата р'аста у щьмә'теда.

[2] Кьред Хӧдан чьqаси мәзьн ьн, һ'ьзкьрийед wан, wанда к'ур дьбьн.

[3] Кьред Wи р'әwш у р'умәт ьн, р'астийа Wи дьминә һ'әта-һ'әтайе.

[4] Бь к'әрәмәта, Хwә дьдә ә'йанкьрьне, Хӧдан р'ә'м у дьлшәwат ә.

[5] Хӧрәк дьдә хофк'ешед Хwә, һәр т'ьм бир тинә пәймана Хwә.

[6] Qәwата кьред Хwә нишани щьмә'та Хwә кьр wәки щи-wаред мьләта бьдә wан.

[7] Кьред дәсте Wи р'асти у һәqи нә, һ'әму т'әмийед Wи амьни нә.

[8] Әw һ'әта-һ'әтайе һ'имгьрти нә, сәр р'астийе у һ'әлалийе пешда һати нә.

[9] Әwи щьмә'та Хwәр'а азадбун шанд, пәймана Хwә һ'әта-һ'әтайе мак кьр. Пироз у саw ә наве Wи.

[10] Сәре занәбуне хофа Хӧдан ә, йе т'әмийед Wи дьqәдинә, һәр йәк билан ә. Пәсьндайина Wи һәр-т'ьм дьминә .