<Зәбур 124

[1] «Һәгәр Хӧдан т'әви мә нибуйа», дә бьра Исраел ньһа бежә:

[2] «Һәгәр Хӧдан т'әви мә нибуйа, гава мәрьва сәр мәда гьрт,

[3] һьнге wе сахә-сах әм даqӧртандана, гава һерса wан ль мә р'абьбу хwә дьхwарьн.

[4] Ава wе әм нава хwәда мьна кьрьна, лейийе сәр мәр'а дәрбаз буйа,

[5] авед р'абуйи wе сәр мәр'а дәрбаз буна».

[6] Шькьр жь Хӧданр'а, кӧ әм нәданә неч'ира бәр дьранед wан!

[7] Мина ч'ьвика әм жь т'әләка неч'ирвана хьлаз бун, т'әләк шкәстьн әм же хьлаз бун.

[8] К'омәка мә жь наве Хӧдан ә, кӧ ә'фьрандаре ә'рд у ә'зман ә.