<Зәбур 63

[1] Хwәдейо! Тӧ йи Хwәдейе мьн, әз дәмана Тәда мә, р'ӧһ'е мьн т'ийе Тә йә, щанийа мьн һ'әйра Тәда йә, чаwа ә'рде т'и у зьһа, дәра кӧ ав ле т'ӧнә.

[2] Бәле, мьн Щийе Пирозда Тӧ дити, дина хwә да qәwат у р'умәта Тә.

[3] Һ'ӧба Тә жь ә'мьр четьр ә, левед мьне пәсьне Тә бьдьн.

[4] Бәле һ'әта хwәш бьм әзе пәсьне Тә бьдьм, бь наве Тә дәстед хwә бьльнд кьм.

[5] Әзе пе сьфьра т'ьжи т'ер бьм, пе бәшәра хwәш жи пәсьне Тә бьдьм.

[6] Гава ньвина хwәда Тә бир тиньм, бәдилед шәведа сәр Тә дьфькьрьм,

[7] чьмки Тӧ мьнр'а алик'ар и. Әзе бьн сийа п'әр'е Тәда ша бьм.

[8] Нәфса мьн буйә машоqе Тә, дәсте Тәйи р'асте мьн хwәй дькә.

[9] Ле әwе дьхwазьн мьн ӧнда кьн, wе хwәха бьк'әвьнә к'урайийа ә'рде.

[10] Wе бьк'әвьнә бәр дәве шур у wе бьбьнә хӧре чәqәл .

[11] Ле бәле п'адшайе пе Хwәде ша бә. Һ'әмуйед кӧ пе Wи сонд дьхwьн, wе фьр'наq бьн, ле дәве дәрәwина wе бе гьртьне.