<Зәбур 62

[1] Әз т'әне кәр' у лал, һивийа Хwәде мә, хьлазбуна мьн жь Wи йә.

[2] Т'әне Әw ә qәйайе мьн, хьлазбун у кәла мьн, әзе т'ӧ щар нәһ'әжьм.

[3] Һ'әта к'әнге һуне һ'ьщуми сәр мерьв кьн, мина диwаре хwар у сура жь щи чуйи, кӧ һун һ'әму дькьн wи һьлшиньн?

[4] Әw т'әне дьшеwьрьн кӧ wи жь щийе жорьн бавежьн. Әw дәрәwийе һ'ьз дькьн, бь дәве хwә дӧа ле дькьн, ле дьле хwәда ньфьр'а. (Сәла)

[5] Әз т'әне кәр' у лал һивийа Хwәде мә, чьмки гӧмана мьн жь Wи йә.

[6] Т'әне Әw ә qәйайе мьн, хьлазбуна мьн у кәла мьн, әзе нәһ'әжьм.

[7] Азадбун у р'умәта мьн Хwәдеда йә, qәйайе мьни зор у сьт'ара мьн Хwәде йә.

[8] Гәли щьмә'та, т'ьме Wида гӧман бьн, һун ль Wир'а дьле хwә вәкьн. Сьт'аргәһа мә Хwәде йә. (Сәла)

[9] Мәрьвед садә мина һӧлме нә, мәрьвед гьрә-гьр дәрәw ьн, һәгәр wан бьдьнә сәр мезине, һ'әму жь һӧлме сьвьктьр ьн.

[10] Шеландьнеда гӧман нибьн, хwә нәсперьнә т'аланийе, һәгәр һәбук зедә бә, дьле хwә пева гьре нәдә.

[11] Щарәке Хwәде гот, мьн дӧ щара бьһист, wәки qәwат йа Хwәде йә.

[12] Һ'ӧб жи йа Тә йә, Хӧдано! Wәкә ә'мәла Тӧ дьди .