<Зәбур 84

[1] Чьqаси хwәш ьн щи-wаре Тә, Хӧдане Ордийа!

[2] Нәфса мьн һ'әйр у дәмана һ'әwшед Хӧданда йә, дьл у бәдәна мьн пе Хwәдейе зенди әшq у ша йә.

[3] Ч'ьвике жи мал дит, дувмәqәске жи һелун дани, кӧ щущукед хwә wьр дайнә, щәм горигәһед Тә, Хӧдане Ордийа, П'адшайе мьн у Хwәдейе мьн.

[4] Хwәзи ль wан кӧ Мала Тәда дьминьн, әw һәр т'ьм пәсьне Тә дьдьн. (Сәла)

[5] Хwәзи ль wан мәрьва, qәwата к'ижана жь Тә йә у һ'әйра р'ийа һ'әща ч'ийайе Сийоне йә.

[6] Гава нәwала Бак'айейә зьһар'а дәрбаз дьбьн, әw дәр дьбә щийе канийа, ч'ә'л-ч'ул авава т'ьжи дьбьн.

[7] Әвана чьqас дьчьн һе qәwат дьбьн, Сийонеда ль бәр Хwәде к'ьфш дьбьн.

[8] Хӧдан Хwәдейе Ордийа, дӧайе мьн бьбьһе, гӧһ бьдә, йа Хwәдейе Аqуб! (Сәла)

[9] Хwәде, бәре Хwә бьдә мәрт'але мә у р'уйе к'ьфшкьрийе Хwә бьньһер'ә.

[10] Р'аст р'ожәкә һ'әwша Тәда, жь һ'әзар р'ожед дәрәкә четьр ә. Qәнщ ә бәр шемика Хана Хwәдейе хwә бьм, нә кӧ малед нәп'акада әз бьжим.

[11] Чьмки Хӧдан Хwәде тә'в у мәрт'ал ә. Хӧдан к'әрәм у р'умәте дьдә, Әw т'ӧ qәнщийе жь сәр wан набьр'ә, к'ижан кӧ дьжин беләк'ә.

[12] Йа Хӧдане Ордийа, хwәзи ль wи мәрьви, кӧ гӧмана wи ль сәр Тә йә.