<Зәбур 48

[1] Хӧдан мәзьн ә, һежайи гәләк пәсьна йә, бажаре Хwәдейе мәда, ль сәр ч'ийайе Хwәйи пироз,

[2] бьльндайийа бәдәw, шабуна т'әмамийа ә'рде, ч'ийайе Сийоне, т'апе Сафоне , бажаре П'адше мәзьн .

[3] Qәсьред wеда Хwәде к'ьфш ә, Әw чаwа кәла хӧйа дькә.

[4] Ва йә п'адша, әwан щьвийан, һ'әму һәвр'а һатьн сәр шер'.

[5] Гава дитьн, ә'щебмайи бун, т'әвиһәв бун, пашда р'әвин.

[6] Р'ьщафе ль wьр әw гьртьн, мина санщуйе жьна кӧ дьк'әвә бәр зар'е

[7] у чаwа байе р'оһьлате гәмийед Т'аршише һурхwәши дькә.

[8] Мә чаwа бьһистьбу, ӧса жи мә дит, бажаре Хӧдане Ордийада, бажаре Хwәдейе мәда, к'ижани Хwәде qәдим дькә һ'әта-һ'әтайе. (Сәла)

[9] Йа Хwәде, П'арьстгәһа Тәда әм сәр һ'ӧба Тәйә беһьмбәр дьфькьрьн.

[10] Чаwа наве Тә, йа Хwәде, ӧса жи пәсьне Тә һ'әта сәре дьне, дәсте Тәйи р'асте һәqийева хьне.

[11] Бьра ша бә ч'ийайе Сийоне у әшq бьн бажаред Щьһуда пе qьраред Тә.

[12] Дора Сийоне бьзьвьр'ьн у дора wе һун бьгьрьн, бьльндщийед wе бьжмьрьн,

[13] мела wә сәр суред wе бә, дина хwә бьдьнә qәсьред wе, кӧ ньсьле майинр'а һун сальх кьн,

[14] чьмки әв Хwәдейа Хwәдейе мә йә һ'әта-һ'әтайе, Әwе р'ебәре мә бә һәр-һәйе.