<Зәбур 29

[1] Бьдьнә Хӧдан, һәйинед Хwәдейә ә'змен, бьдьнә Хӧдан qәдьр у qӧдрәте,

[2] бьдьн шькьрийе наве Хӧдан, хәмьла пирозва бьһ'әбиньн Хӧдан .

[3] Дәнге Хӧдан ль сәр ава йә, Хwәдейе хwәйир'умәт бьрq вәдайә, Хӧдан ль сәр гәләк ава йә.

[4] Дәнге Хӧдан qәwат ә, дәнге Хӧдан хwәйишӧрәт ә.

[5] Дәнге Хӧдан даред әрзе дьшкенә, Хӧдан әрзед Лӧбнане һур-һури дькә

[6] у wан мина голька дьдә банздане, Лӧбнан у Сирйоне жи мина гайе бәйани.

[7] Дәнге Хӧдан тиред агьри алав дьдә.

[8] Дәнге Хӧдан чол у бәста дьләрьзинә, Хӧдан чол у бәста Qадеше дьләрьзинә.

[9] Дәнге Хӧдан каред хәзала дьдә зайине, дарьстана дьдә р'уткьрьне у П'арьстгәһа Wида һ'әму дькьн дәнги: «Р'умәт wир'а!»

[10] Хӧдан к'ӧрсийа Хwә сәр авед ә'зман данийә, Хӧдане сәр к'ӧрсийа Хwә һ'әта-һ'әтайе п'адша бә.

[11] Дә бьра Хӧдан qәwате бьдә щьмә'та Хwә, бьра Хӧдан дӧа у хер-хwәшийе бьдә щьмә'та Хwә.