[1] Әв ә сәрәщәма р'ьк'ьнйата кӧр'ед Нӧһ: Сам, Һам у Йәфәт. Пәй тофанер'а зар'ед пәй wан к'әтьн.
[2] Кӧр'ед Йәфәт: Гомәр, Магог, Мадайи, Йаван, Тувал, Мәшәх у Тирас бун.
[3] Кӧр'ед Гомәр: Ашк'әназ, Р'ифат' у Тогармаһ бун.
[4] Кӧр'ед Йаван: Әлишаһ, Т'аршиш, к'итийа у р'оданийа бун.
[5] Щьмә'тед дәве бә'ра wәлатед хwәда, жь ван щьһе бунә, һәр кәс ль гора зьман, бәрәк у мьләтед хwә.
[6] Кӧр'ед Һам: К'уш, Мьсьр, Пут у Кәнан бун.
[7] Кӧр'ед К'уш: Шьба, Һ'аwила, Сабт'а, Р'амаһ у Сабт'ьха бун. Кӧр'ед Р'амаһ: Шева у Дедан бун.
[8] К'ушр'а ӧса жи Нәмруд бу. Нәмруд ль сәр р'уйе ә'рде п'әләһwане пешьн бу.
[9] Әва ль бәр Хӧдан неч'ирванәки п'әләһwан бу. Ләма жи те готьне: «Фьлан кәс мина Нәмруд неч'ирванәки п'әләһwан ә ль бәр ч'ә'ве Хӧдан».
[10] П'адшатийа Нәмруд wәлате Шинареда, жь Бабилоне, Ерехе, Ак'аде у К'алнеһда дәстпебу.
[11] Нәмруд жь wи wәлати дәсте хwә авитә Ашурйа, Нинәwа, Р'әһ'обот'-Ир у Калаһ чекьрьн.
[12] Р'әсәне жи навбәра Нинәwайе у Калаһеда чекьр. Әва бажарәки мәзьн бу.
[13] Жь Мьсьр пешда һатьн луди, ә'нами, льһаби, нафт'уһи,
[14] патруси, к'аслуһи (жь ван фьльстини пешда һатьн) у к'апт'ори.
[15] Кәнанр'а ньхӧрийе wи Сайда у Һ'ит бун,
[16] ӧса жи йәбуси, әмори, гиргаши,
[17] һ'иwи, әрqи, сини,
[18] арвади, сьмари у һамати. Пәй ванр'а жи бәрәкед кәнанийа бәла бун.
[19] Синоре кәнани жь Сайдайеда дәстпедькьр, дьгьһиштә Гераре һ'әта Газзайе, дәрбази Содоме, Гоморайе, Адмайе, Сьбойиме һ'әта Ләшайе дьбу.
[20] Әв ьн Кӧр'ед Һам ль гора бәрәк, зьман, wәлат у мьләтед хwәва.
[21] Бьрайе Йәфәти мәзьн Самр'а жи, кӧ баве т'әмамийа зӧр'әта Әбәр бу, wир'а жи зар' бун.
[22] Кӧр'ед Сам: Әлам, Ашур, Арпәхшад, Луд у Арам бун.
[23] Кӧр'ед Арам: Ус, Һ'ул, Гәт'әр у Маш бун.
[24] Арпәхшадр'а Шәлаһ бу. Шәлаһр'а Әбәр бу.
[25] Әбәрр'а дӧ кӧр' бун. Наве йәки Пелег бу (чьмки р'ожед wида р'уйе ә'рде щьһебун к'әте). Наве бьрайе wи жи Йоqтан бу.
[26] Йоqтанр'а Алмодад, Шәләф, Һ'әсәрмаwәт', Йараһ',
[27] Һадорам, Узал, Диqла,
[28] Обал, Абимаел, Шьба,
[29] Офир, Һ'аwила у Йовав бун. Әв һ'әму кӧр'ед Йоqтан бун.
[30] Әвана жь Мешайеда гьрти, һ'әта Сьфаре ль ч'ийайед р'оһьлатеда щи-wар бун.
[31] Әв ьн кӧр'ед Сам ль гора бәрәк у зьманед хwә, wәлатед хwә у мьләтед хwәва.
[32] Әв ьн бәрәкед кӧр'ед Нӧһ, ль гора р'ьк'ьнйатед хwә у мьләтед хwәва. Жь ван пәй тофанер'а, ль сәр р'уйе ә'рде, мьләт бәла бун.