[1] Al-yaskun fi maljaʼ al-Aali, yaskun fi himaayat Allah al-Gaadir.
[2] Ana gult le Allah : «Inta maljaʼi wa bakaani al-gawi. Inta Ilaahi wa aleek ana nitwakkal.»
[3] Achaan hu bas al-yinajjiik min charak al-gannaasi wa min al-waba al-yaktul.
[4] Wa be janaaheeh, hu yikhattiik wa inta taljaʼ leyah misil farruuj tihit janaahe ammah. Wa amaanah yabga leek daraga wa bakaan al-indah amin.
[5] Inta ma takhaaf min cheyy wa la min al-ruʼub al-yukuun be l-leel wa la min al-nuchchaab // al-yadrub be nahaar
[6] wa la min al-waba al-yaji fi l-dalaam wa la min al-bala al-yakhrib be gaayle.
[7] Wa kan yagaʼo alif naas be nussak wa achara alif naas // be zeenaaytak kula, abadan cheyy ma yalhagak.
[8] Taftah uyuunak wa tichiif kikkeef Allah yiʼaakhib al-aasiyiin.
[9] Ya Allah, inta bas maljaʼi ! Aywa, kan sawweet al-Aali // bakaan maljaʼak,
[10] khalaas, cheyy fasil ma yaji foogak wa masiibe ma tagaʼ fi naas beetak.
[11] Achaan hu yaamur malaaʼikatah yahfadook fi kulla duruubak.
[12] Humman yichiiluuk fi iideehum achaan rijileenak ma yintaggo fi hajar.
[13] Inta tamchi fi l-duud wa amchideegaat wa tifajjikh fi l-nimir wa l-daabi.
[14] Wa Allah gaal : «Achaan hu munrabit foogi, ana ninajjiih wa nukhuttah fi bakaan al-indah amin achaan hu irif usmi.
[15] Kan hu yinaadiini, ana nurudd leyah wa nukuun maʼaayah fi l-diige wa nikhallisah wa nicharrifah.
[16] Nitawwil ayyaam umrah wa niwassif leyah najaati.»