[1] Maala al-umam atmarrado ? Wa maala al-chuʼuub yilʼaamaro // fi l-ma indah faayde ?
[2] Maala muluuk al-ard yijahhuzu le l-harib ? Wa maala al-salaatiin yichchaawaro didd Allah wa didd al-hu masahah // wa darrajah malik ?
[3] Wa gaalo : «Yalla ! Nihillu minnina guyuudhum wa nidaffugu minnina janaaziirhum.»
[4] Wa l-gaaʼid fi l-arch fi l-samaawaat yadhak, al-Rabb yichchammat leehum.
[5] Wa yihajji leehum be zaʼal wa be khadabah, yirajjifhum.
[6] Wa yuguul : «Ana Allah darrajt al-malik al-nidoorah fi jabali Sahyuun al-mukhaddas.»
[7] Wa niballikh kharaar Allah al-buguul : «Inta ibni wa l-yoom, // ana bigiit abuuk.
[8] Atlub minni al-umam // wa nantiihum leek warasa wa tamluk fi kulla l-ard.
[9] Wa tahkim fooghum be muluk chadiid wa tikassirhum misil jiraar al-tiine.»
[10] Wa hassaʼ, ya l-muluuk, abgo faahimiin. Angarʼu, intu hukkaam al-ard !
[11] Akhdumu le Allah be khoof wa afraho giddaamah wa asjudu.
[12] Karrumu ibnah, al-malik al-hu azalah wa be da, Allah ma yazʼal foogku. Wa zaʼalah ma yidammirku achaan hu gariib yazʼal foogku. Mabruuk le l-naas al-yaljaʼo le Allah !