[1] Al-aasi yitaabiʼ kalaam galbah wa fi nafsah ma indah khoof min al-Rabb.
[2] Achaan hu yukhuchch nafsah bilheen wa be da, ma yaʼarif khataayah wa yakrahah.
[3] Wa kalaam khachmah fasaala wa khachch wa aba al-hikma wa khalla al-kheer.
[4] Fi furaachah, hu yanwi al-fasaala wa l-derib al-chaaylah ma adiil wa ma yarfud al-charr.
[5] Ya Allah ! Rahmatak gaaʼide fi l-sama wa sidkhak yamchi lahaddi l-sahaab.
[6] Wa adaaltak misil jibaal al-aaliyiin wa chariiʼtak misil almi al-khariig. Ya Allah ! Inta tinajji al-naas wa l-bahaayim.
[7] Rahmatak khaaliye, ya Rabb, wa Bani Adam yaljaʼo tihit janaaheek.
[8] Humman yachbaʼo min laham samiin hana beetak wa inta tazgiihum be kheerak misil almi al-waadi al-ma yikammil.
[9] Achaan maʼaak, een almi al-haya wa be nuurak, nichiifu al-nuur.
[10] Khalli rahmatak tuduum le l-yaʼarfuuk wa adaaltak tagood le l-naas // al-guluubhum adiiliin.
[11] Khalli al-mustakbir ma yukhutt rijlah // fi bakaani wa iide al-aasiyiin kula ma yaturduuni.
[12] Daahu hinaak al-yisawwu al-charr wagaʼo ! Humman anbataho, ma yagdaro yugummu !