<Kitaab al-Zabuur 87

[1] Allah assas Sahyuun fi jabal al-mukhaddas.

[2] Allah yihibb madiinat Sahyuun ziyaada min kulla hillaal // zurriiyit Yaakhuub.

[3] Ya madiinat al-Rabb ! Yihajju foogki achya majiidiin. Wagfa.

[4] Naas min Masir wa Baabil wa l-Filistiyiin wa naas min Suur wa l-Habacha, ana nahsibhum fi ust al-naas al-yaʼarfuuni. Humman dool wildoohum hini fi Sahyuun.

[5] Wa fi Sahyuun yuguulu : «Kulla l-naas dool // wildoohum fi lubbaha wa Allah al-Aali bas sabbatha.»

[6] Allah yahsib al-chuʼuub wa yisajjilhum wa yuguul : «Al-naadum da wildooh hini fi Sahyuun.» Wagfa.

[7] Wa humman yalʼabo wa yikhannu wa yuguulu : «Ya madiinat al-Rabb ! Gaʼarna jaayi minki inti !»