[1] Ya Allah ! Ahdiini bala zaʼal wa addibni bala khadab !
[2] Arhamni, ya Allah, achaan ana ma indi gudra. Achfiini, ya Allah, achaan udaami maaʼo.
[3] Ana ninbahit ziyaada min daakhal galbi. Wa da le mata, ya Allah ?
[4] Taʼaal, ya Allah ! Khallisni wa be rahmatak, najjiini !
[5] Achaan al-yumuutu // ma yizzakkaro usmak wa fi l-khabur, yaatu yachkurak ?
[6] Ana iyiit min chiddit al-ganitiin wa dumuuʼi yuruchchu furaachi wa kulli leele, yibillu sariiri.
[7] Wa uyuuni diʼfo min al-hizin wa be sabab kulla l-yidaayuguuni.
[8] Kissu minni baʼiid, intu kulluku al-tisawwu al-zulum achaan Allah simiʼ bakiiyi !
[9] Aywa, Allah simiʼ duʼaayi wa Allah khibil salaati.
[10] Kulla udwaani yiʼiibu wa yarjufu wa tawwaali kulluhum yigabbulu mukhattiihum al-eeb.