[1] Khutt adaanak le kalaami, ya Allah, wa akhbal chakwiti.
[2] Asmaʼ hiss munaadaati le tafzaʼni, ya maliki, ya Ilaahi, inta al-ana nachhadak.
[3] Ya Allah, kulli fajur asmaʼ hissi ! Wa fi kulli fajur, ana nijahhiz wa narjaak.
[4] Achaan inta Ilaah al-ma tarda be l-charr wa ma takhbal al-fasaala.
[5] Al-mutakabbiriin ma yagiifu fi hadaratak wa inta takrah kulla l-yisawwu al-zulum.
[6] Ya Allah ! Inta tidammir al-kaddaabiin wa kattaaliin al-dimam wa l-khachchaachiin, tajʼalhum misil muharramiin.
[7] Wa laakin be rahmatak al-kabiire, ana nadkhul fi fadaayit beetak. Wa be makhaafatak, nasjud ale beetak al-mukhaddas.
[8] Ya Allah ! Guudni hasab adaaltak be sabab udwaani wa sahhil leyi derbak.
[9] Achaan ma fi cheyy akiid fi kalaamhum wa guluubhum malaaniin be damaar wa kalaam khuchuumhum // yiwaddi le l-khabur. Wa lisneehum malaaniin be kalaam halu khachchaach.
[10] Ya Rabb ! Ajʼalhum khaatiyiin wa khalliihum yagaʼo // be sabab muʼaamarathum ! Atrudhum be sabab jaraayimhum al-katiiriin achaan humman isook.
[11] Khalaas, kulla l-yaljaʼo leek yafraho wa daayman yizakhrutu wa yiragrugu. Inta maljaʼ le l-yihibbu usmak wa humman yinattutu min al-farah.
[12] Achaan inta, ya Allah, tibaarik al-saalih wa misil daraga kabiire, tahmiih be niʼmatak.