<Kitaab al-Zabuur 82

[1] Al-Rabb wagaf fi lubb mujtamaʼah wa hakam been al-ilaahaat wa gaal :

[2] «Le mata tahkumu be zulum wa timayyulu al-chariiʼa // fi chaan al-aasiyiin ? Wagfa.

[3] «Ahkumu be l-hagg le l-daʼiif wa l-atiim wa sawwu al-adaala le l-miskiin wa l-fagri.

[4] Najju al-daʼiif wa l-miskiin wa khallusuuhum // min iid al-aasiyiin.»

[5] Laakin humman wa la yaʼarfu // wa la yafhamo wa yamchu fi l-dalaam wa kulla asaas al-ard yinhazza.

[6] Ana gult : «Intu ilaahaat wa intu kulluku iyaal al-Aali.

[7] Wa laakin intu tumuutu misil Bani Adam wa tagaʼo misil chuyuukh.»

[8] Gumm, ya Rabb ! Ahkim al-ard ! Achaan kulla l-umam warasatak.