[1] Al-hamdulillah ! Ana nachkur Allah be kulla galbi fi jamaaʼat al-saalihiin wa mujtamaʼhum.
[2] Amal Allah aziim wa kulla l-yihibbuuh // yifakkuru foogah.
[3] Kulla aʼmaalah yiwassufu majdah wa azamatah wa adaaltah gaaʼide ila l-abad.
[4] Allah yidoor nizzakkaro ajaaybah, hu al-Rahmaan al-Rahiim.
[5] Le l-yakhaafo minnah, // hu yantiihum akil wa yifakkir daayman // fi muʼaahadatah.
[6] Wa hu wassaf gudurtah le chaʼabah wakit antaahum ard al-umam // misil warasa.
[7] Amalah humman al-adaala wa l-hagg wa kulla churuutah amiiniin
[8] wa musabbatiin ila l-abad wa muʼassasiin fi l-hagg wa l-adaala.
[9] Hu rassal wa fada chaʼabah wa amar be muʼaahadatah al-daayme. Usmah mukhaddas wa mukhiif.
[10] Al-khoof min Allah hu asaas al-hikma wa kulla l-yitabbugu churuutah, // humman aagliin. Wa hamd Allah gaaʼid ila l-abad.