<Kitaab al-Zabuur 142

[1] Ana rafaʼt hissi wa sarakht le Allah aywa, ana rafaʼt hissi wa chahadtah.

[2] Giddaamah hu, ana jibt chakwiti wa giddaamah hu, // ana hajjeet be diigti.

[3] Ya Allah ! Wakit takhmar ruuhi, inta taʼarif derbi. Fi derbi al-namchi foogah, kajjo leyi charak.

[4] Anzur be l-zeene wa chiif ! Ma fi naadum al-yaʼarifni wa ma fi maljaʼ leyi wa ma fi al-yihimm be hayaati.

[5] Ya Allah ! Ana koorakt leek wa gult : «Inta bas maljaʼi ! Wa fi ard al-hayyiin, inta bas gismi !»

[6] Asmaʼ suʼaali achaan ana diʼift marra waahid. Najjiini min al-yitaaruduuni achaan humman chudaad minni !

[7] Amrugni min al-sijin achaan nachkur usmak. Wa l-saalihiin yihawwuguuni wakit inta tisawwi leyi al-kheer.