<Kitaab al-Zabuur 61

[1] Ya Rabb, asmaʼ siraakhi wa asmaʼ salaati !

[2] Min aakhir al-ard, ana naadeetak inta wakit ma indi gudra. Guudni fi l-jabal al-aali al-ma nagdar nalhagah.

[3] Achaan inta maljaʼi wa beet al-muraakhaba // giddaam udwaani.

[4] Ana nidoor naskun tihit kheemtak ila l-abad wa naljaʼ tihit janaaheek. Wagfa.

[5] Achaan inta, ya Rabb, simiʼt be nazri wa anteetni al-warasa al-hafadtaha le l-naas al-yakhaafo min usmak.

[6] Ziid ayyaam fi umur al-malik wa khalli umrah yabga tawiil min zurriiye le zurriiye !

[7] Khalli yagood fi archah giddaam al-Rabb ila l-abad. Ahfadah be rahmatak wa amaanak.

[8] Be da, ana nikhanni be usmak daayman wa nihaggig nazri kulla yoom.