<Мәсәлә 20

[1] Шәрав к'әнти йә у авщә шәр'ти йә, йе хwә дьдә ван, нә сәрwахти йә.

[2] Саwа п'адше мина мьр'инийа шер ә, йе wи дькә һерсе йә, әw хwә дькә нәһәqийе йә.

[3] Һ'әвза хwә шәр'кьрьне, qәдьре мәрийа йә, ле һәр беһ'ьш сәр шер' бәнги йә.

[4] Хwәр'анәдити wә'дәда ә'рде р'анакә, нандьрунеда wе ле бьгәр'ә, ле п'әйда нәкә.

[5] Мәрәме дьле мерьв авед к'ур ьн, ле мәрьвед билан wан һьлдьч'ьньн.

[6] Гәләк мәри qәнщийед хwә дькьн дәнгинә, ле мәрьвед амьн к'и дькарә бьбинә?

[7] Йе бь һәqийе р'ийа р'астда чуйи, пәйр'а wе бәхтәwар бьн зар'ед wийә буйи.

[8] П'адшайе ль сәр т'әхте диwане, бь ч'ә'ва һәр хьрабийе дьдә һьлдане.

[9] К'и дькарә бежә: «Мьн дьле хwә паqьж кьр у гӧнәйед хwә жи жь хwә дур хьст»?

[10] Дӧ кәвьред мезинейә нә wәкә һәв, дӧ пиване нә wәкә һәв, һ'әраминә ль бәр Хӧдан һәр дӧ wәкә һәв.

[11] Һ'әта qәнщи йан хьрабийа хәйсәте зар'е жи бь кьред wи к'ьфш дьбьн.

[12] Гӧһе кӧ дьбьһе у ч'ә'ве дьбинә, һәр дӧ жи Хӧдан чекьрьнә.

[13] Хәwе һ'ьз нәкә, кӧ к'әсиб нәби, ч'ә'ве хwә вәкә, кӧ бь нан т'ер би.

[14] Йе дьк'ьр'ә дьбежә: «Нә р'ьнд бу! Нә р'ьнд бу!» ле гава дьчә, һьнге п'айдар бу.

[15] Зер' у щәwар гәләк һәнә, ле заре билан һе хьшьре бьһа йә.

[16] Йе бу wәк'иле хәрибәки, qап'уте wи һьлдә, йе бу wәк'иле нәнасәки, к'әфил жь wи һьлдә.

[17] Нане дәрәwийе мерьв хwәш те, ле паше мина пари гәwрийеда дьминә

[18] Мәрәм бь шеwьре те ә'сәйикьрьне, бь р'едитьне шәр' бьдә кьрьне.

[19] Йе гьлигәр'о сӧр'е бәла дькә, һ'әвза хwә жь йе дәвбәла бькә.

[20] Йе ньфьр'к'аре де у бава бә, к'урайийа шәведа ч'ьра wийе весә.

[21] Әw мьлк'е кӧ пешда бь ләзо-бәз һатийә дәстхьстьн, wе ахьрийеда дӧайе ле wе нәйе кьрьн.

[22] Нәбежә: «Жь бәр хьрабийева әзе хьрабийе бькьм» сәбьра Хӧдан бькә у әwе тә хьлаз кә.

[23] Ль бәр Хӧдан дӧ кәвьред мезинейә нә wәкә һәв һ'әрами нә у мезина qәлп нәһәqи йә.

[24] Гаве мәрьв жь Хӧданда тенә авитьне, иди р'ийа хwә чаwа дькарә әw фә'м бькә?

[25] Бәри создайина дийарийа хwә, тӧ р'ьнд бьдә аqьле хwә, кӧ п'ошман нәби у бьк'әви т'әла хwә.

[26] П'адше сәрwахт бь кам нәп'ака дьдә ледане у чаwа мәлһ'әб wан жь бедәре дьдә һьлдане.

[27] Исафа мерьв ч'ьра Хӧдан ә, к'урайийа дьла ә'нәнә дькә.

[28] Дьлшәwати у р'асти хwәйкьрийе п'адше нә, әw жи бь дьлшәwатийе т'әхте хwә дьшьдинә.

[29] Р'әwша щаһьла qәwата wанда йә, р'умәта мәзьна р'у-гӧлийе сьпи йә.

[30] Дәрбед бьрине хьрабийе дур дьхә, ледан жи нав-дьл паqьж дькә.