<Мәсәлә 17

[1] Qәнщ ә пә'ри нане һ'ьшк бь ә'дьлайе, нә кӧ маләкә т'ерә-т'ьжи бь шәр'-дә'w.

[2] Хӧламе аqьл һ'ӧкӧми ль сәр кӧр'е р'обәт дькә у нава бьратийеда п'ара хwә мьлк' дьстинә.

[3] Чаwа фьр'нә зив дьщер'ьбинә у к'урә жи зер', ле Хӧдан дьла дьщер'ьбинә.

[4] Мәрьве хьраб гӧһ дьдә заре нәһәq у дәрәwин гӧһ дьдә зьмане зийанк'ар.

[5] Йе кӧ ль к'әсиб дьк'әнә, әw qәдьре Хӧльqдаре wи дьк'әвә у йе кӧ дьле хwә ль чәрха ч'әп ша дькә, әw бе бәла наминә.

[6] Нәви к'офийа р'успийа нә, бав р'успитийа зар'а нә.

[7] Чаwа хәбәра че ль мәрьве беари-сәр'а нак'әвә, ӧса жи заре дәрәw ль ә'сьлзада нак'әвә.

[8] Р'ӧшәт ч'ә'ве дайида чаwа кәвьре qимәт ә, кӧ бәре хwә бьдә чь wе жер'а ль һәв бе.

[9] Йе хьрабийе дьньхемә һәвалк'ар ә, ле йе дькә дәнги һәвалдәр ә.

[10] Һьлатьнәк һе ль фә'мдар, нә кӧ сәд к'ӧлм ль ахмах.

[11] Мәрьве хьраб кӧ т'әне сәри һьлдьдә, qасьде беисаф wе пешийеда бе шандьне.

[12] Qәнщ ә мәрьв һ'ьр'ч'әки ч'ежьке хwә ӧндакьри бьqәсьдә, нә кӧ дь дәма ахмахтийеда ахмахәки.

[13] К'и жь бәр qәнщийева хьрабийе бькә, хьрабийе жь мала wи дур нәк'әвә.

[14] Дәстпебуна шер' мина авбәр'дане йә, һе шәр' кӧ гьран нәбуйә же дур к'әвә.

[15] Йе нәп'ак р'аст дәрдьхә у йе р'аст гӧнәк'ар дәрдьхә, һәр дӧ жи ль бәр Хӧдан һ'әрам ьн.

[16] Qимәте сәрwахтийе кӧ дәсте ахмахда йә кери чь те? Кӧ фә'м накә бьк'ьр'ә.

[17] Һәвал һәр гав һ'ьз дькә, бьра буйә бона р'ожа охьрме гьран.

[18] Мәрьве кемаqьл дәйне хәлqе һьлдьдә стуйе хwә у бона пьсмаме хwә дьбә wәк'ил.

[19] Йе шәр' һ'ьз дькә әw хьрабийе һ'ьз дькә у йе дәргәһе хwә бьльнд дькә, әw wеранбуна хwә дьгәр'ә.

[20] Мәрьве дьле хьраб, хере набинә у йе заре мьхәнәт бәла жер'а те.

[21] Йе ахмах пәй хwә дьхә, мәрәза wи йә у баве йе беар ахин-ахинийа wи йә.

[22] Дьле ша мина дәрмане керһати йә, ле дьле хәм у хәйал һ'ьшкбуна һәстуйа йә.

[23] Йе нәп'ак п'ашьла хwәда р'ӧшәте тинә, wәки р'ийа р'астийе бьт'әр'ьбинә.

[24] Сәрwахти ль бәр ч'ә'ве фә'мдара йә, ле ч'ә'вед ахмаха вьрда-wеда дьньһер'ьн.

[25] Кӧр'е ахмах к'әсәра баве йә у кӧла дьле йа пәй хwә хьсти йә.

[26] Нә qәнщә йе р'аст бьдьнә щәзайе у ә'сьлзада хьн бона һәqийа wан.

[27] Йе зьмане хwә дькарә занә йә у йе бәрбьһер билан ә.

[28] Ахмах жи гава кӧ дәнг накә, сәрwахт к'ьфш дьбә у йе дәве хwә вәнакә, билан хӧйа дьбә.