<Мәсәлә 19

[1] Qәнщ ә бәләнгазе кӧ р'ийа хwәйә амьнда дьчә, нә кӧ йәки дәвхальфийи ахмах.

[2] Мәрьве бе занәбун хер т'ӧнә, йе ләз дьк'әвә р'ийа хwә ӧнда дькә.

[3] Ахмахтийа мерьв р'ийа wи шашо-п'ашо дькә у дьле wи һьндава Хӧданда бинтәнг дьбә.

[4] Һәбук гәләк доста зедә дькә, ле йе к'әсиб жь пьсмамтийа хwә дьqәтә.

[5] Шә'де дәрәw wе бе бәла нәминә у йе дәрәwин wе нәфьльтә.

[6] Гәләк хwә ль мәрьве мәр'д дьгьрьн у һ'әму дьбьнә пьсмаме мәрьве кӧ п'ешк'еш дьдьн.

[7] Бьратийа к'әсиб һ'әму же дьчьн, иди к'ӧ ма пьсмаме wи же дур нәк'әвьн! У әw ль wан дькә гази, ле к'а әwә к'ӧ нә?

[8] Йе сәрwахтийе дәстинә, әw нәфса хwә һ'ьз дькә, йе билантийе хwәй дькә, әw хер у хwәшийе дьбинә.

[9] Шә'де дәрәw wе бе бәла нәминә у дәрәwине р'убари дьне нәминә.

[10] Чаwа хер у хwәши ль ахмах накә, ӧса жи хӧлам, сәрwерийе ль аха накә.

[11] Фә'ме qәнщ мерьв жь һерсе пашда дехә у р'успитийа wи qӧсур-нәньһер'андьн ә.

[12] Һерса п'адше мина мьр'инийа шера йә, ле херхwәзийа wи мина qьр'авийа сәр шинайе йә.

[13] Кӧр'е ахмах бәла сәре баве йә, шәр'е жьне жи мина барана һурә-һур.

[14] Мал у һәбук жь бава нә, ле жьна ә'сьл жь Хӧдан ә.

[15] Хwәр'анәдитьн хәwа к'ур тинә у йе бехирәт бьр'чи дьминә.

[16] Йе т'әмийе хwәй дькә, әw хwә хwәй дькә, ле йе гӧһ надә р'ийа хwә, әw мьрьна хwә дькә.

[17] Йе кӧ алик'арийа к'әсиб дькә, әw дәйн дьдә Хӧдан у Хӧдане жь бәр дайина wива, wи хәлат кә.

[18] Һ'әта гӧман һәйә, кӧр'е хwә ширәт кә, ле нә кӧ һ'әта кӧштьна wи.

[19] Йе гәләки һерс, гәрәке бе щәзакьрьне, һәгәр тӧ бьди хатьр, те диса бьwәк'ьлини.

[20] Ширәте һьлдә у һинкьрьне бьбә йар ә, wәки ахьрийе тә бькә дәрсдар ә.

[21] Дьле мерьвда гәләк мәрәм һәнә, ле т'әне хwәстьна Хӧдан те сери.

[22] Qәнщ ә мәрьв һ'әйра qәнщикьрьнеда бә, мәрьве к'әсиб жь йе дәрәwин четьр ә.

[23] Хофа Хӧдан жийин ә, мәрьви пе р'ьһ'әт ә, т'ӧ хьраби ле наqәсьд ә.

[24] Хwәр'анәдити дәсте хwә дькә т'аса хwә, ле нькарә бьбә дәве хwә.

[25] Пек'әни хә, кӧ йе сахьке дьле хwә, һ'ьш т'опи сәре хwә кә у йе аqьл һьле, сәрwахтийе wе qазьнщ кә.

[26] Йе кӧ бь к'ӧлме дьчә баве хwә у бәри де дьдә, әw кӧр'е р'ур'әшийе у qара йә.

[27] Лаwе мьн, һәгәр тӧ хwә жь ширәте дур дьгьри, бәле, тӧ хwә жь готьнед заньстийе дур дьгьри.

[28] Шә'де дәрәw сәр р'астийе дьк'әнә у дәве нәп'ака нәһәqийе дадьqӧртинә.

[29] Бона пек'әнийа щәза һазьр ә у бона пьшта ахмаха жи ледан.