<Мәсәлә 13

[1] Кӧр'е сәрwахт гӧһ дьдә дәрсе баве хwә, ле йе пек'әни гӧһ надә һьлатьне.

[2] Мәрьв бь бәре дәве хwә хwәшийе дьхwә, ле нәфса нәамьна зордарийе дьхwазә.

[3] Йе дәве хwә дькарә, әw хwә хwәй дькә, ле йе дәве хwә гәләки вәдькә, wе ӧнда бә.

[4] Нәфса хwәр'анәдити дьхwазә, ле тьштәки wи т'ӧнә, ле нәфса мәрьве хирәт т'ер-т'ьжи дьбә.

[5] Мәрьве р'аст жь готьна дәрәw зьвер дьбә, ле нәп'ак хwә дькә р'обәт, шәрми дьбә.

[6] Р'асти р'аста хwәй дькә, ле нәп'аки гӧнәк'ар сәрсери тинә.

[7] Һәнә мәри хwә к'ьфш дькьн кӧ дәwләти нә, ле бе тьшт ьн, мәри жи һәнә әw к'ьфш дькьн кӧ к'әсиб ьн, ле гәләки дәwләти нә.

[8] Мәрьв жь бәр нәфса хwәва һәбука хwә дьдә, ле хәма йе бәләнгаз нинә.

[9] Ч'ьра мәрьвед р'аст wе шәwq бьдә, ле ч'ьра йе нәп'ака wе весә.

[10] Жь к'ӧбарийе т'әне шәр'-дә'w дәртен, ле сәрwахти щәм ширәтһьлдайа йә.

[11] Һәбука һ'әрамийе һати, һ'әрамийе жи дьчә, ле бь худана һ'әлал к'әдкьри wе зедә бә.

[12] Гӧмана кӧ дәрәнги дьбә, дьл дешинә, ле гьһиштьна мәрәм, мина дара жийине йә.

[13] Йе хәбәре беһӧрмәт дькә, әw зийане сәр хwәда тинә, ле йе жь т'әмийе дьтьрсә, wе маше хwә бьстинә.

[14] Һинкьрьна йе сәрwахт канийа жийине йә, кӧ мерьв жь т'ор'а мьрьне дур бьгьрә.

[15] Фә'ме qәнщ мә'рифәтийе тинә, ле р'ийа йед беамьн зә'мәт

[16] Һәр кәсе аqьл бь заньстийе дькә, ле йе ахмах, ахмахтийе дьдә к'ьфше.

[17] Qасьде хьраб хәта-бәла йә, ле йе амьн дәрман ә.

[18] Йе ширәта qәбул нәкә бәләнгази у qаре бен сәре wи, ле йе гӧһ дьдә һьлатьне, qәдьре wийе бьльнд бә.

[19] Хwәстьна мерьв кӧ те сери дьл ша дьбә, ле йе ахмах хwә жь хьрабийе пашдагьртьне зьвер ә.

[20] Һәвале сәрwахта сәрwахт дәрте, һәвале ахмаха хьраб дәрте.

[21] Хьраби те сәре гӧнәк'ара, ле qәнщийе р'астар'а бе дайине.

[22] Мәрьве qәнщ мьлк' дьһелә нәвийед хwәр'а, ле һәбука гӧнәк'ара бона р'аста те т'опкьрьне.

[23] Ә'рде бәләнгазада гәләк р'ьсq һәйә, ле жь дәст нәһәqийе дәст wан дьчә.

[24] Йе шьва ширәте надә хәбате, әw зар'а хwә һ'ьз накә, ле йе һ'ьз дькә, әw зар'отийеда бь т'әрбәт ширәт дькә.

[25] Йе р'аст дьхwә ч'ә'ве wи хwарьнеда наминә, ле зьке йе нәп'ак ньзанә т'ербун чи йә.