Жьмар 1
[1] Хӧдан ль бәр'ийа Синайе Коне Щьвинеда йәке мәһа дӧда, дӧсалийа зар'ед Исраелә кӧ жь ә'рде Мьсьре дәрк'әтьбун, Мусар'а хәбәрда у гот:
[2] «Т'әмамийа щьвина зар'ед Исраел анәгори малбәтед wан, олк'ед wан, наве һәр мери йәко-йәко бьжмьрә.
[3] Тӧ у Һарун һәр кәсе әскәрийер'а һазьр жь бистсалийе жортьр анәгори ордийед wан нава Исраелда бьжмьрьн.
[4] Т'әви wә гәрә мәрьвәк жь һәр qәбиле һәбә. Мәрьве кӧ сәрwере олк'а хwә йә.
[5] Әв ьн навед мәрьвед кӧ wе т'әви wә бьсәкьньн: Жь Р'убен Әлисуре кӧр'е Шьдейур.
[6] Жь Шьмһ'ун Шьлумийеле кӧр'е Суришадай.
[7] Жь Щьһуда Нәһшоне кӧр'е Аминадав.
[8] Жь Исахар Ньт'анеле кӧр'е Суһар.
[9] Жь Зәбулон Әлйабе кӧр'е Һ'елон.
[10] Жь qәбила зар'ед Усьв: Жь Әфрайим Әлишамайе кӧр'е Ә'миһуд. Жь Мьнашә Гамалйеле кӧр'е Пьдаһсур.
[11] Жь Бьнйамин Абидане кӧр'е Гидони.
[12] Жь Дан Ахиһәзәре кӧр'е Ә'мишадай.
[13] Жь Ашер Пагийеле кӧр'е Ок'ран.
[14] Жь Гад Әлйасафе кӧр'е Дьһуйел.
[15] Жь Нәфтәли Аһ'ирайе кӧр'е Әйнан».
[16] Әв ьн бьжартийед жь щьвине, сәрwеред qәбилед бавед wан, сәрwеред ә'лаләтед Исраел.
[17] Муса у Һарун әв мәрьвед бь нав к'ьфшкьри һьлдан.
[18] У йәке мәһа дӧда wана т'әмамийа щьвине щьванд у әw анәгори малбәтед wан, олк'ед wан, наве йед жь бистсалийе жортьр йәко-йәко жьмартьн,
[19] чаwа кӧ Хӧдан т'әми Муса кьр wан бьжмьрә ль бәр'ийа Синайеда.
[20] Зар'ед Р'убене ньхӧрийе Исраел, зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[21] һ'әсабе qәбила Р'убен 46500 нәфс бун.
[22] Зар'ед Шьмһ'ун зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[23] һ'әсабе qәбила Шьмһ'ун 59300 нәфс бун.
[24] Зар'ед Гад зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[25] һ'әсабе qәбила Гад 45650 нәфс бун.
[26] Зар'ед Щьһуда зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[27] һ'әсабе qәбила Щьһуда 74600 нәфс бун.
[28] Зар'ед Исахар зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[29] һ'әсабе qәбила Исахар 54400 нәфс бун.
[30] Зар'ед Зәбулон зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[31] һ'әсабе qәбила Зәбулон 57400 нәфс бун.
[32] Жь qәбила зар'ед Усьв, зар'ед Әфрайим зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[33] һ'әсабе qәбила Әфрайим 40500 нәфс бун.
[34] Зар'ед Мьнашә зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[35] һ'әсабе qәбила Мьнашә 32200 нәфс бун.
[36] Зар'ед Бьнйамин зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[37] һ'әсабе qәбила Бьнйамин 35400 нәфс бун.
[38] Зар'ед Дан зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[39] һ'әсабе qәбила Дан 62700 нәфс бун.
[40] Зар'ед Ашер зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[41] һ'әсабе qәбила Ашер 41500 нәфс бун.
[42] Зар'ед Нәфтәли зӧр'әт, малбәт, олк'ед хwәва, һ'әсабе һәр мере бистсалийе жортьр, һәр кәсе әскәрийер'а һазьр,
[43] һ'әсабе qәбила Нәфтәли 53400 нәфс бун.
[44] Әв ьн һ'әсабед wан мәрьвед кӧ Муса, Һарун у һәр донздәһ сәрwеред жь олк'ед Исраел кӧ жьмартьн.
[45] Һ'әму зар'ед Исраел анәгори олк'ед хwә, жь бистсалийе жортьр, һ'әмуйед әскәрийер'а һазьр Исраелда һатьнә жьмартьне
[46] у т'әмамийа һ'әсабе wан 603550 нәфс бун.
[47] Ле леwи qәбила бавед хwәва т'әви wан нәһатьнә жьмартьне.
[48] Хӧдан Мусар'а хәбәрда у гот:
[49] «Qәбила Леwи нәжмьрә, wан т'әви зар'ед Исраел һ'әсаб нәкә.
[50] Ле тӧ леwийа ль сәр Коне Шә'дәтийе, ль сәр һ'әму һащәтед wе у ль сәр һ'әму тьштед wе к'ьфш кә. Әw бьра кон у һ'әму һащәтед wе бьбьн, wеда qӧльх кьн у зомед хwә дора wе лехьн.
[51] У чахе щигӧһастьна Коне Шә'дәтийе, леwи бьра wе һәвдьн у вәгьртьна Коне Шә'дәтийе жи бьра леwи бькьн, йәки дьн кӧ незик бә wе бе кӧштьне.
[52] Гава зар'ед Исраел зомед хwә лехьн, һәр кәс гәрә ль зома хwәда у һәр кәс ль бәр ала хwә бә анәгори ордийед хwә.
[53] Ле леwи гәрә зоме дора Коне Шә'дәтийе лехьн, wәки һерса мьн ль сәр щьвина зар'ед Исраел р'анәбә. У леwийе хwәйитийа Коне Щьвина Шә'дәтийе бькьн».
[54] Зар'ед Исраел анәгори wан һ'әму т'әмийед кӧ Хӧданә данә Муса, ӧса жи кьрьн.