Жьмар 4
[1] Хӧдан Муса у Һарунр'а хәбәрда у гот:
[2] «Зар'ед Qоһат' анәгори малбәтед wан у олк'ед wан жь нава зар'ед Леwи бьжмьрә,
[3] аwа готи һәр кәсе жь сисалийе һ'әта пенщисалийе к'ижан qӧльхкьрьнер'а һазьр ә, кӧ хәбата Коне Щьвине бькә.
[4] Шьхӧле зар'ед Qоһат' ль Коне Щьвине хwәйитийа тьштед һәрә пироз ә.
[5] Wәхте р'ек'әтьна зоме Һарун у кӧр'ед wи бьра бен п'әр'да навбьр'ийе вәкьн у бь wе Сьндоqа Пәймане бьньхемьн.
[6] Бь сәрк'еша жь ч'әрме га-мә'сийа әw бьньхемьн, тәже шин бавежьнә сәр у дәстуйа тер'а дәрбаз кьн.
[7] Тәже шин бавежьнә сәр т'әхте нане Хwәдер'а дайи у сьнийа, т'аса, к'аса, щер'ед бона дийарийа сәрдакьрьне дайньнә сәр. У нане кӧ һәр т'ьм сәр ә ль бәр Хӧдан, гәрә ль сәр жи бьминә.
[8] Тәже сори гәвәз бавежьнә ль сәр wан, бь сәрк'еша жь ч'әрме га-мә'сийа wе бьньхемьн у дәстуйа тер'а дәрбаз кьн.
[9] Бьра әw тәже шин һьлдьн шәмдан, ч'ьред wе, дәстькед wе, сьнийед wе у һ'әму дәрданед бона бьзьре wе кӧ бона шәмдан дьдьнә хәбате, бьньхемьн.
[10] Wе у һ'әму һащәтед wе бь сәрк'еша жь ч'әрме га-мә'сийа бьп'еч'ьн у дайньнә ль сәр чите.
[11] Тәже шин бавежьнә ль сәр горигәһа зер'ин у бь сәрк'еша жь ч'әрме га-мә'си бьньхемьн у дәстуйа тер'а дәрбаз кьн.
[12] Һ'әму һащәтед бона хәбата щийе пироз һьлдьн, дайньнә ль нава тәже шин, бь сәрк'еша жь ч'әрме га-мә'сийа бьньхемьн у дайньнә ль сәр чите.
[13] К'озийа горигәһе т'әмьз кьн у тәже сори гәвәз бавежьнә ль сәр.
[14] У һ'әму һащәтед wейә хәбате дайньнә ль сәр wе: Сьнийа, гоштгьра, мәр'ька у т'әшта аwа готи һ'әму һащәтед горигәһе. Сәрк'еша жь ч'әрме га-мә'сийа бавежьнә ль сәр у дәстуйа тер'а дәрбаз кьн.
[15] Гава Һарун у кӧр'ед wи ньхамтьна щийе пироз у һәр тьштед щийе пироз хьлаз кьн, wәхте р'ек'әтьна зоме зар'ед Qоһат' wе бен кӧ һьлдьн, ле бьра әw дәст нәдьнә пирозийе wәки нәмьрьн. Әв ә баре зар'ед Qоһат' ль Коне Щьвине.
[16] Елазаре кӧр'е Һаруне к'аһин щабдаре: Бьзьре бона р'онайе, бьхура бинхwәш, дийарийа нанийә һәр гав, р'уне р'ункьрьне йә. Щабдаре т'әмамийа пирозгәһе у һәр тьштед навда, ӧса жи Щийе Пироз у һащәтед wе йә».
[17] Хӧдан Муса у Һарунр'а хәбәр да у гот:
[18] «Һаш жь хwә һәбә qәбила малбәтед qоһат'ийа жь нава леwийа нәйе ӧндакьрьне.
[19] Аwа һун чь гәрә бона wан бькьн кӧ әw сах бьминьн у нәмьрьн гава әw незики Щийе Һәри Пироз бьн: Һарун у кӧр'ед wи бьра бен у һәр кәси ль бәр хәбата wи у борще wи бьдьнә сәкьнандьне.
[20] Каһати т'ӧ щар бәри ньхамтьна тьштед пироз бьра нәк'әвьне кӧ бьбиньн, wәки нәмьрьн».
[21] Хӧдан Мусар'а хәбәрда у гот:
[22] «Зар'ед Гершон жи анәгори олк'ед wан у малбәтед wан бьжмьрә,
[23] аwа готи һәр кәсе жь сисалийе һ'әта пенщисалийе кӧ qӧльхкьрьнер'а һазьр ә шьхӧле Коне Щьвине бькә, бьжмерә.
[24] Әв ә хәбата малбәтед гершонийа, чь гәрә бькьн у чь һьлдьн:
[25] Әw гәрә тәже пирозгәһе, Коне Щьвине у сәргьра wе, сәрк'еша жь ч'әрме га-мә'сийа кӧ ль сәр ә у п'әр'да ль бәр дәре Коне Щьвине,
[26] п'әр'дед һ'әwше, п'әр'да бәр дәре һ'әwше кӧ дора пирозгәһ у горигәһе йә, һәбьнед wан у һ'әму һащәтед бона хәбата wан һьлдьн. У һәр шьхӧле кӧ бона ван тьшта лазьм ә бьра әw бькьн.
[27] Һ'әму хәбата зар'ед гершонийа, аwа готи һәр чь кӧ әw һьлдьн у һәр чь кӧ әw бькьн, әw гәрәке бь готьна Һарун у кӧр'ед wи бе кьрьне. Һәр тьштед һьлдане бькьнә бьн сә'витийа wан.
[28] Әв ә хәбата малбәтед зар'ед гершонийа Коне Щьвинеда. Әw гәрә ве йәке бь сәрwерийа Ит'амаре кӧр'е Һаруне к'аһин бькьн.
[29] Зар'ед Мерари анәгори малбәтед wан у олк'ед wан бьжмерә,
[30] аwа готи һәр кәсе жь сисалийе һ'әта пенщисалийе кӧ qӧльхкьрьнер'а һазьр ә, шьхӧле Коне Щьвине бькә, бьжмерә.
[31] Әв ә баре wан кӧ әw гәрә һьлдьн анәгори т'әмамийа шьхӧле wани Коне Щьвинеда, аwа готи читед пирозгәһе, дәстуйед wе, стунед wе, бьнгәһед wе,
[32] стунед дора һ'әwше, бьнгәһед wан, сьнгед wан у һәбьнед wан у һ'әму һащәтед wан бона т'әмамийа хәбата ван тьшта. Һун наве һащәте кӧ әw гәрә һьлдьн бькьнә р'әqәм бьжмьрьн.
[33] Әв ә һ'әму шьхӧлед малбәтед зар'ед Мерари Коне Щьвинеда, бь сәрwерийа Ит'амаре кӧр'е Һаруне к'аһин».
[34] Муса, Һарун у сәрwеред щьвине зар'ед qоһат'ийа анәгори малбәтед wан у олк'ед wан жьмартьн,
[35] һәр кәсе жь сисалийе һ'әта пенщисалийе кӧ qӧльхкьрьнер'а һазьр ә шьхӧле Коне Щьвине бькә,
[36] һ'әсабе wан анәгори малбәтед wан 2750 нәфс бун.
[37] Әв ә һ'әсабе малбәтед Каһатийа һ'әмуйед кӧ Коне Щьвинеда дьхәбьтин, к'ижан кӧ Муса у Һарун жьмьрин, чаwа кӧ Хӧдан пе Муса т'әми кьрьбу.
[38] Һ'әсабе зар'ед Гершон анәгори малбәтед wан у олк'ед wан,
[39] һәр кәсе жь сисалийе һ'әта пенщисалийе кӧ qӧльхкьрьнер'а һазьр бу шьхӧле Коне Щьвине бькьра,
[40] һ'әсабе wан анәгори малбәтед wан, олк'ед wан 2630 нәфс бун.
[41] Әв ә һ'әсабе малбәтед зар'ед Гершон һ'әмуйед кӧ Коне Щьвинеда дьхәбьтин, к'ижан кӧ Муса у Һарун анәгори т'әмийа Хӧдан әw жьмартьн.
[42] Һ'әсабе малбәтед зар'ед Мерари анәгори малбәтед wан у олк'ед wан,
[43] һәр кәсе жь сисалийе һ'әта пенщисалийе кӧ qӧльхкьрьнер'а һазьр бу шьхӧле Коне Щьвине бькьра,
[44] һ'әсабе wан анәгори малбәтед wан 3200 нәфс бун.
[45] Әв ә һ'әсабе малбәтед Мерари к'ижан кӧ Муса у Һарун анәгори т'әмийа Хӧдан әw жьмартьн.
[46] Т'әмамийа леwийа анәгори малбәтед wан у олк'ед wан кӧ Муса, Һарун у сәрwеред Исраел әw жьмартьн,
[47] һәр кәсе жь сисалийе һ'әта пенщисалийе кӧ һазьр бу шьхӧл у һьлдана Коне Щьвине бькьра,
[48] һ'әсабе wан 8580 нәфс бун.
[49] Әвана wәкә готьна Хӧдан, һәр кәс бь дәсте Муса анәгори qӧльхе хwә у барһьлдане аһа һатьнә жьмаре, чаwа кӧ Хӧдан т'әми ль Муса кьрьбу.