Жьмар 29
[1] Йәке мәһа һ'әфта бона wә бьра щьвина пироз бә, т'ӧ шьхӧли нәкьн. Бьра әw р'ожа бор'и ледане бә.
[2] Щанәгаки, бәранәки у һ'әфт бәрхед йәксалийә бе qӧсур Хӧданр'а дийарийа т'әвайишәwатейә бинхwәш бьдьн.
[3] Ӧса жи дийарийа wанә нани жь аре хаси р'унда стьрайи. П'арәкә чапейә жь дәһа сьсе бона щанәга, п'арәкә чапейә жь дәһа дӧдӧ бона бәрен,
[4] П'арәкә чапейә жь дәһа йәк жи бона һәр бәрхе жь һәр һ'әфт бәрха бьдьн.
[5] Ӧса жи нерики чаwа дийарийа паqьжбуне бона афубуна хwә бьдьн.
[6] Вана ль сәр дийарийа т'әвайишәwатейә һәр мәһер'а у дийарийа wейә нанир'а, дийарийа т'әвайишәwатейә һәр т'ьмр'а у дийарийа wейә нанир'а у дийарийа wанә сәрдакьрьнер'а анәгори qануне бьдьн. Әва дийарийа шәwатейә бинхwәш ә Хӧданр'а.
[7] Дәһе мәһа һ'әфта жи бона wә бьра щьвина пироз бә, нәфса хwә бьшкеньн у т'ӧ шьхӧли нәкьн.
[8] Щанәгаки, бәранәки у һ'әфт бәрхед йәксалийә бе qӧсур Хӧданр'а дийарийа т'әвайишәwатейә бинхwәш бьдьн.
[9] У ӧса жи дийарийа wанә нани жь аре хаси р'унда т'әвдайи. П'арәкә чапейә жь дәһа сьсе бона щанәга, п'арәкә чапейә жь дәһа дӧдӧ бона бәрен.
[10] П'арәкә чапейә жь дәһа йәк жи бона һәр бәрхе жь wан һәр һ'әфт бәрха бьдьн.
[11] Ӧса жи нерики чаwа дийарийа паqьжбуне ль сәр дийарийа паqьжбунейә к'әwандьнер'а , дийарийа т'әвайишәwатейә һәр т'ьмр'а у дийарийа wейә нанир'а у дийарийа wанә сәрдакьрьнер'а бьдьн.
[12] Панздәһе мәһа һ'әфта жи бона wә бьра щьвина пироз бә, т'ӧ шьхӧли нәкьн у һ'әфт р'ожа Хӧданр'а щәжьне бькьн.
[13] Дийарийа т'әвайишәwате, дийарийа шәwатейә бинхwәш Хӧданр'а бьдьн: Сездәһ щанәга, дӧ бәрана у чардәһ бәрхед йәксалийә бе qӧсур бьдьн.
[14] У ӧса жи дийарийа wанә нани жь аре хаси р'унда стьрайи: Wан сездәһ щанәгар'а һәр йәкер'а п'арәкә чапейә жь дәһа сьсе, wан һәр дӧ бәранар'а һәр йәкер'а п'арәкә чапейә жь дәһа дӧдӧ,
[15] wан чардәһ бәрхар'а һәр йәкер'а п'арәкә чапейә жь дәһа йәк бьдьн.
[16] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[17] Ль р'ожа дӧда: Донздәһ щанәга, дӧ бәрана у чардәһ бәрхед йәксалийә бе qӧсур бьдьн.
[18] У ӧса жи дийарийа wанә нани, дийарийа wанә сәрдакьрьне бона щанәга, бәрана у бәрха анәгори һ'әсабе wан у qануне бьдьн.
[19] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wанә сәрдакьрьнер'а бьдьн.
[20] Ль р'ожа сьсийа: Йанздәһ щанәга, дӧ бәрана у чардәһ бәрхед йәксалийә бе qӧсур бьдьн.
[21] У ӧса жи дийарийа wанә нани, дийарийа wанә сәрдакьрьне бона щанәга, бәрана у бәрха анәгори һ'әсабе wан у qануне бьдьн.
[22] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[23] Ль р'ожа чара: Дәһә щанәга, дӧ бәрана у чардәһ бәрхед йәксалийә бе qӧсур бьдьн.
[24] У ӧса жи дийарийа wанә нани, дийарийа wанә сәрдакьрьне бона щанәга, бәрана у бәрха анәгори һ'әсабе wан у qануне бьдьн.
[25] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[26] Ль р'ожа пенща: Нәһә щанәга, дӧ бәрана у чардәһ бәрхед йәксалийә бе qӧсур бьдьн.
[27] У ӧса жи дийарийа wанә нани, дийарийа wанә сәрдакьрьне бона щанәга, бәрана у бәрха анәгори һ'әсабе wан у qануне бьдьн.
[28] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[29] Ль р'ожа шәша: Һ'әйшт щанәга, дӧ бәрана у чардәһ бәрхед йәксалийә бе qӧсур бьдьн.
[30] У ӧса жи дийарийа wанә нани, дийарийа wанә сәрдакьрьне бона щанәга, бәрана у бәрха анәгори һ'әсабе wан у qануне бьдьн.
[31] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[32] Ль р'ожа һ'әфта: Һ'әфт щанәга, дӧ бәрана у чардәһ бәрхед йәксалийә бе qӧсур бьдьн.
[33] У ӧса жи дийарийа wанә нани, дийарийа wанә сәрдакьрьне бона щанәга, бәрана у бәрха анәгори һ'әсабе wан у qануне бьдьн.
[34] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[35] Р'ожа һ'әйшта бьра бона wә щьвина пироз бә, тӧ шьхӧли нәкьн.
[36] Дийарийа т'әвайишәwате, дийарийа шәwатейә бинхwәш Хӧданр'а бьдьн: Щанәгаки, бәранәки у һ'әфт бәрхед йәксалийә бе qӧсур бьдьн.
[37] У ӧса жи дийарийа wанә нани, дийарийа wанә сәрдакьрьне бона щанәге, бәран у бәрхе анәгори һ'әсабе wан у qануне бьдьн.
[38] Ӧса жи нерики чаwа дийарийа паqьжбуне ль сәр дийарийа т'әвайишәwатейә һәр т'ьмр'а, дийарийа wейә нанир'а у дийарийа wейә сәрдакьрьнер'а бьдьн.
[39] Ван бона Хӧдан щәжьнед хwәда чаwа дийарийед хwәйә т'әвайишәwате, дийарийед хwәйә нани, дийарийед хwәйә сәрдакьрьне у дийарийед хwәйә һәләqәтийе ль сәр созед хwәр'а у дийарийед хwәйә р'әзәдьлийер'а бьдьн›».
[40] Муса һ'әму чь кӧ Хӧдан ә'мьри ль wи кьрьбу, готә зар'ед Исраел.