<Жьмар 7

[1] Гава Муса пирозгәһ да сәкьнандьне хьлаз кьр, әw у һәр тьштед wе р'ун кьрьн у пироз кьр, һьнге горигәһ у һ'әму һащәтед wе жи р'ун кьрьн у пироз кьр.

[2] Сәрwеред Исраел, сәрwеред олк'ед wан, аwа готи сәрwеред qәбилед wан, йед кӧ сәрwерийа навньвисаре дькьрьн, дийари анин.

[3] Дийарийед хwә анинә ль бәр Хӧдан: Шәш ә'рәбе гьрти, донздәһ га, һәр ә'рәбәк дӧ сәрwер бун у һәрәкир'а гак, вана әв анинә ль бәр Пирозгәһе.

[4] Хӧдан Мусар'а хәбәрда у гот:

[5] «Жь wан һьлдә, әwе бона хьзмәтк'арийа Коне Щьвине бенә хәбате. Wан бьдә леwийа, һәр кәсир'а анәгори хәбата wи».

[6] Муса ә'рәбә у га һьлдан у әw данә леwийа.

[7] Дӧ ә'рәбә у чар га данә зар'ед Гершон, анәгори хәбата wан.

[8] Чар ә'рәбә һ'әйшт га данә зар'ед Мерари, анәгори хәбата wанә бь сәрwерийа Ит'амаре кӧр'е Һаруне к'аһин.

[9] Ле нәда кӧр'е Qоһат' чьмки хәбата Щийе Пироз ль сәр wан бу, wана әw гәрә ль сәр мьле хwә бьбьрана.

[10] Сәрwера дийарийа пирозкьрьна горигәһе р'ожа р'ункьрьне анин. Сәрwера дийарийед хwә анинә ль бәр горигәһе.

[11] Хӧдан готә Муса: «Р'оже сәрwерәк бьра дийарийа хwә бинә, бона пирозкьрьна горигәһе».

[12] Р'ожа пешьн Нәһшоне кӧр'е Аминадав жь qәбила Щьһуда дийарийа хwә ани.

[13] Дийарийа wи әв бу: т'әштәкә зивинә 130 шекьле , т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[14] кәвч'ики зер'ини 10 шекьле бьхурева дагьрти,

[15] щанәгак, бәранәк, бәрхәки йәксали бона дийарийа т'әвайишәwате,

[16] нерики бона дийарийа паqьжбуне,

[17] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Нәһшоне кӧр'е Аминадав бу.

[18] Р'ожа дӧда Ньт'анеле кӧр'е Суһар сәрwере Исахар дийарийа хwә ани.

[19] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[20] кәвч'ики зер'ини 10 шекьле бьхурева дагьрти,

[21] щанәгак, бәранәк, бәрхәки йәксали бона дийарийа т'әвайишәwате,

[22] нерик бона дийарийа паqьжбуне,

[23] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Ньт'анеле кӧр'е Суһар бу.

[24] Р'ожа сьсийа Әлйабе кӧр'е Һ'елон сәрwере зар'ед Зәбулон ани.

[25] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[26] кәвч'ики зер'ини 10 шекьле бьхурева дагьрти,

[27] щанәгак, бәранәк, бәрхәки йәксали бона дийарийа т'әвайишәwате,

[28] нерик бона дийарийа паqьжбуне,

[29] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Әлйабе кӧр'е Һ'елон бу.

[30] Р'ожа чара Әлисуре кӧр'е Шьдейур сәрwере зар'ед Р'убен ани.

[31] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[32] кәвч'ики зер'ини 10 шекьле бьхурева дагьрти,

[33] щанәгак, бәранәк, бәрхәки йәксали бона дийарийа т'әвайишәwате,

[34] нерик бона дийарийа паqьжбуне,

[35] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Әлисуре кӧр'е Шьдейур бу.

[36] Р'ожа пенща Шьлумийеле кӧр'е Суришадайе сәрwере зар'ед Шьмһ'ун ани.

[37] Дийарийа wи әв бу: Т'әштәкә зивинә130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[38] кәвч'ики зер'ини 10 шекьле бьхурева дагьрти,

[39] щанәгак, бәранәк, бәрхәки йәксали бона дийарийа т'әвайишәwате,

[40] нерик бона дийарийа паqьжбуне,

[41] дӧ га, пенщ бәран, пенщ нери у пенщ бәрхед йәксали дийарийа һәләqәтийе. Әва дийарийа Шьлумийеле кӧр'е Суришадай бу.

[42] Р'ожа шәша Әлйасафе кӧр'е Дьһуйеле сәрwере зар'ед Гад ани.

[43] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[44] кәвч'ики зер'ини 10 шекьле бьхурева дагьрти,

[45] щанәгак, бәранәк, бәрхәки йәксали бона дийарийа т'әвайишәwате,

[46] нерик бона дийарийа паqьжбуне,

[47] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Әлйасафе кӧр'е Дьһуйел бу.

[48] Р'ожа һ'әфта Әлишамайе кӧр'е Ә'миһуде сәрwере зар'ед Әфрайим ани.

[49] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[50] кәвч'ики зер'ини 10 шекьле бьхурева дагьрти,

[51] щанәгак, бәранәк, бәрхәки йәксали бона дийарийа т'әвайишәwате,

[52] нерик бона дийарийа паqьжбуне,

[53] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Әлишамайе кӧр'е Ә'миһуд бу.

[54] Р'ожа һ'әйшта Гамалйеле кӧр'е Пьдаһсуре сәрwере зар'ед Мьнашә ани.

[55] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[56] кәвч'ики зер'ини 10 шекьле бьхурева дагьрти,

[57] щанәгак, бәранәк, бәрхәки йәксали бона дийарийа т'әвайишәwате,

[58] нерик бона дийарийа паqьжбуне,

[59] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Гамалйеле кӧр'е Пьдаһсур бу.

[60] Р'ожа нәһа Абидане кӧр'е Гидонийе сәрwере зар'ед Бьнйамин ани.

[61] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[62] кәвч'ики зер'ини 10 шекьле бьхурева дагьрти,

[63] щанәгак, бәранәк, бәрхәки йәксали бона дийарийа т'әвайишәwате,

[64] нерик бона дийарийа паqьжбуне,

[65] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Абидане кӧр'е Гидони бу.

[66] Р'ожа дәһа Ахиһәзәре кӧр'е Ә'мишадайе сәрwере зар'ед Дан ани.

[67] Дийарийа wи жи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хwәси р'унда стьрайи дагьрти бона дийарийа нани,

[68] кәвч'ики зер'ини 10 шекьле бьхурева дагьрти,

[69] щанәгак, бәранәк, бәрхәки йәксали бона дийарийа т'әвайишәwате,

[70] нерик бона дийарийа паqьжбуне,

[71] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Ахиһәзәре кӧр'е Ә'мишадай бу.

[72] Р'ожа йанздәһа Пагийеле кӧр'е Ок'ране сәрwере зар'ед Ашер ани.

[73] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[74] кәвч'ики зер'ини 10 шекьле бьхурева дагьрти,

[75] щанәгак, бәранәк, бәрхәки йәксали бона дийарийа т'әвайишәwате,

[76] нерик бона дийарийа паqьжбуне,

[77] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Пагийеле кӧр'е Ок'ран бу.

[78] Р'ожа донздәһа Аһ'ирайе кӧр'е Әйнане сәрwере зар'ед Нәфтәли ани.

[79] Дийарийа wи әв бу: Т'әштәкә зивинә 130 шекьле, т'асәкә зивинә 70 шекьле, анәгори шекьле пирозгәһе, һәр дӧ жи бь аре хаси р'унда стьрайи дагьрти бона дийарийа нани,

[80] кәвч'ики зер'ини 10 шекьле бьхурева дагьрти,

[81] щанәгак, бәранәк, бәрхәки йәксали бона дийарийа т'әвайишәwате,

[82] нерик бона дийарийа паqьжбуне,

[83] дӧ га, пенщ бәран, пенщ нери у пенщ бәрхед йәксали бона дийарийа һәләqәтийе. Әва дийарийа Аһ'ирайе кӧр'е Әйнан бу.

[84] Әв ә дийарийа кӧ сәрwеред Исраел бона пирозкьрьна горигәһе, р'ожа р'ункьрьна wе анин: Донздәһ т'әштед зивин, донздәһ т'асед зивин, донздәһ кәвч'ийед зер'ин.

[85] Һәр т'әштәкә зивин 130 шекьл бу, һәр т'асәк 70 шекьл бу, һ'әму бь һәвр'а 2400 шекьл бу, анәгори шекьле пирозгәһе.

[86] Донздәһ кәвч'ийед зер'ин бьхурева дагьрти, һәр кәвч'ик 10 шекьл бу, анәгори шекьле пирозгәһе, һ'әму бь һәвр'а 120 шекьл бу.

[87] Һ'әму һ'әйwане бона дийарийа т'әвайишәwате әв бун: Донздәһ щанәга, донздәһ бәран, донздәһ бәрхед йәксали т'әви дийарийа wанә нани. У донздәһ нери бона дийарийа паqьжбуне.

[88] Т'әмамийа һ'әйwане бона дийарийа һәләqәтийе әв бун: Бистчар га, шест бәран, шест нери у шест бәрхед йәксали. Әва дийарийа пирозкьрьна горигәһе бу, пәй р'ункьрьна wер'а.

[89] Гава Муса дьк'әтә Коне Щьвине бона кӧ т'әви Хӧдан хәбәр да, әwи дәнге кӧ wир'а хәбәр дьда, жь сәр qалп'ахе бахшандьнейи ль сәр Сьндоqа Шә'дәтийейә нава һәр дӧ херубада дьбьһист. У Хӧдан т'әви wи хәбәр дьда.