[1] ከዚህም በኋላ ታላቅ ሥልጣን ያለው ሌላ መልአክ ከሰማይ ሲወርድ አየሁ፤ ከፊቱ ብርሃንና ከክብሩም የተነሣ ምድር በራች።
[2] በብርቱ ድምፅም ፥ “ታላቂቱ ሀገር ባቢሎን ወደቀች፥ ወደቀች፤ የአጋንንትም ማደሪያ ሆነች፥ የርኩሳን መናፍስት ሁሉ መጠጊያ፥ የርኩሳንና የተጠሉ ወፎች ሁሉና የርኩስ አውሬ ሁሉ መኖሪያም ሆነች።
[3] አሕዛብ ሁሉ ከዝሙቷ ቅWጣ ወይን ጠጅ የተነሣ ወድቀዋልና፤ የምድር ነገሥታትም ከእርስዋ ጋር ሴሰኑ፥ የምድር ነጋዴዎችም ከቅምጥልነቷ ኀይል የተነሣ ባለጠጋዎች ሆኑ ” ብሎ ጮኸ።
[4] ከሰማይም ሌላ ድምፅ ሰማሁ፤ እንዲህ ሲል ፥ “ሕዝቤ ሆይ፥ በኀጢአቷ እንዳትተባበሩ፥ ከመቅሠፍቷም እንዳትቀበሉ ከእርስዋ ዘንድ ውጡ።
[5] ኃጢአቷ እስከ ሰማይ ደርሶአልና፥ እግዚአብሔርም ዐመፅዋን አስቦባታልና።
[6] እርስዋ እንደ ሰጠች መጠን ብድራት መልሱላት፤ እንደ ሥራዋም ሁለት እጥፍ ደርቡላት፤ በቀዳችበትም ጿ ሁለት እጥፍ አድርጋችሁ ቅዱላት።
[7] የበደለችውንና፥ የተደላደለችውንም ያህል እንዲሁ መከራ አጽኑባት፤ አስለቅሱአትም፤ በልብዋ ፥ ለዘለዓለም እነግሣለሁ፤ መበለትም አልሆንም፤ ኀዘንም አላይም ብላ ነበርና።
[8] ስለዚህ በአንድ ጊዜ ሞትና ኀዘን፥ ራብም የሆኑ መቅሠፍቶችዋ ይመጡባታል፤ በእሳትም ትቃጠላለች፤ የሚፈርድባት እግዚአብሔር ኀያል ነውና።
[9] “ከእርስዋም ጋር የሴሰኑና የተቀማጠሉ የምድር ነገሥታት፥ የመቃጠልዋን ጢስ ሲያዩ ስለ እርስዋ ዋይ፥ ዋይ እያሉ ያለቅሳሉ።
[10] ሥቃይዋንም ከመፍራት የተነሣ ከሩቅ ቆመው ፥ ‘አንቺ ታላቂቱ ከተማ፥ ብርቱዪቱ ከተማ ባቢሎን፥ ወዮልሽ! ወዮልሽ! በአንድ ሰዓት ፍርድሽ ደርሶአልና’ እያሉ ይናገራሉና።
[11] የምድር ነጋዴዎች ያለቅሱላታል፤ ያዝኑላትማል፤ የመርከባቸውን ጭነት ከእንግዲህ ወዲህ የሚገዛ የለምና፤
[12] ወርቁንም፥ ብሩንም፥ የከበረውንም ዕንቐ፥ ሉሉንም፥ ነጭ ሐሩንም፥ ብጫ ሐሩንም፥ ቀይ ሐሩንም፥ ሰማያዊ ሐሩንም፥ የዞጲ ዕንጨቱንም፥ ከዝሆን ጥርስ የተሠራውን ዕቃ ሁሉ፥ የከበረ ዕንቐ ያለበትን ጌጣ ጌጥ ሁሉ፥ ናሱንና፥ ብረቱን፥ ቀይና ነጭ ዕብነ በረዱንም፥
[13] ቀናንሞዉንና አበሞዉን ዕጣኑንና፥ ሜሮኑን፥ ደቃቅ ዕጣኑን፥ ወይኑንና ፥ ዘይቱን፥ ስንዴውንና ዱቄቱን፥ ከብቱንና ፥ በጉን ፥ ፈረሱንና፥ ሠረገላውንም፥ ባሪያዎችንና የሰው ነፍሳትንም የሚገዛ የለምና።
[14] “ነፍስሽም የጐመጀችው ፍሬ ከአንቺ ዘንድ አልፎአል፤ የሚቀማጠልና የሚያጌጥም ነገር ሁሉ ጠፍቶብሻል፤ ሰዎችም ከእንግዲህ ወዲህ ከቶ አያገኙአቸውም።
[15] እነዚህን የነገዱ፥ በእርስዋም ባለጠጋዎች የሆኑ፥ ሥቃይዋን ከመፍራት የተነሣ በሩቅ ቆመው ያለቅሱላታል፤ “ዋይ፥ ዋይም ” ይሉላታል።
[16] እንዲህም ይላሉ ፥ ነጭ ሐርና ብጫ ሐር፥ ቀይ ሐርም ለለበሰችው፥ በወርቅና በከበረ ዕንቐ፥ በአልማዝም ለተሠራችው ለታላቂቱ ከተማ ወዮላት! ወዮላት! ባለጠግነቷ በአንድ ሰዓት ትጠፋለችና።
[17] የመርከብ መሪ ሁሉ፥ የመርከብም ጠበብት ሁሉ፥ መርከበኟችም፥ በባሕር ላይ የሚሠሩ ሁሉም ከሩቁ ቆሙ።
[18] የሀገሪቱንም መቃጠል ባዩ ጊዜ ፥ ይህቺን ታላቅ ከተማ የምትመስላት ምን ከተማ ነበረች እያሉ ጮሁ።
[19] በራሳቸው ላይም ትቢያ ነስንሰው እያለቀሱና እያዘኑ በባሕር መርከቦች ያሉአቸውን ሁሉ ከባለጸግነቷ የተነሣ ባለጠጋዎች ላደረገች ለታላቂቱ ከተማ ወዮላት! ወዮላት! በአንድ ሰዓት ጠፍታለችና እያሉ ጮኹ።
[20] ሰማይ ሆይ፥ ቅዱሳን ነቢያት፥ ሐዋርያትም ሆይ፥ በእርስዋ ላይ ደስ ይበላችሁ፤ እግዚአብሔር ፈርዶላችኋልና።”
[21] አንድ ብርቱ መልአክም እንደ ወፍጮ ያለ ታላቅ ድንጋይ ፈነቀለና፥ ወደ ባሕር ወረወረው፤ እንዲህም አለ ፥ “ታላቂቱ ከተማ ባቢሎን እንዲህ ተፈንቅላ ትወድቃለች፤ እንግዲህም አትገኝም።
[22] በውስጥዋም የመሰንቆ ድምጽ አይሰማም፤ የእንዚራ፥ የዘፈንና የመለከት ድምፅም በእርስዋ አይሰማም፤ በውስጥዋም ሥራ ሁሉ፥ ሠራተኛም ሁሉ አይገኝም፤ በውስጥዋም የወፍጮ ድምፅ የለም፤
[23] የመብራት ወገግታም የለም፤ የሙሽራውና የሙሽራይቱ ድምፅም አይሰማባትም፤ ነጋዴዎችሽ የምድር መሳፍንቶች ናቸውና፤ የምድር አሕዛብንም ሁሉ በአስማትሽ አስተሻልና።
[24] የነቢያት ደም፥ የቅዱሳንም፥ በክርስቶስ ስም በምድር ላይ የተገደሉ የሰማዕታትም ሁሉ ደም በአንቺ ላይ ተገኝቶአልና።”